హైదరాబాద్ సిటీ, వెలుగు: మహాత్మా జ్యోతిబాపూలే ప్రజాభవన్లో మంగళవారం నిర్వహించిన సీఎం ప్రజావాణి కార్యక్రమానికి 341 దరఖాస్తులు అందాయి. సీఎం ప్రజావాణి ఇన్చార్జ్ చిన్నారెడ్డి, రాష్ట్ర నోడల్ అధికారి దివ్య దేవరాజన్ దరఖాస్తులు స్వీకరించారు. అధికారులతో చిన్నారెడ్డి ఫోన్లో మాట్లాడి పలు సమస్యలను పరిష్కరించారు. కాగా.. ప్రైవేట్ పోర్టర్ దోపిడీని అరికట్టాలని కోరుతూ ట్రాన్స్ పోర్ట్ డ్రైవర్స్ వినతిపత్రాన్ని అందజేశారు.
డీజిల్ ధరలు పెరిగినా రవాణా చార్జీలు పెంచకుండా శ్రమదోపిడీ చేస్తున్న ప్రైవేట్ పోర్టర్ స్థానంలో ప్రభుత్వమే ట్రాన్స్ పోర్ట్ యాప్ను ఏర్పాటు చేయాలని, గిగ్ వర్కర్స్ లాగా గుర్తించాలని కోరారు.
