- ఇజ్రాయెల్చరిత్రలో మొదటిసారి
టెల్అవీవ్: హమాస్ మిలిటెంట్ల దాడిని తీవ్రంగా పరిగణించిన ఇజ్రాయెల్.. వాళ్లను పూర్తి స్థాయిలో మట్టుబెట్టడమే లక్ష్యంగా ముందుకు వెళ్తున్నది. గాజా కేంద్రంగా హమాస్ మిలిటెంట్లు చేస్తున్న దాడులను నిలువరించడంతోపాటు గాజాను స్వాధీనం చేసుకునేందుకు ప్లాన్ చేస్తున్నది. ఈ మేరకు అందుకు అవసరమయ్యే సైనిక, ఆయుధ వనరులను సమకూర్చుకుంటున్నది. ఆ దేశ చరిత్రలో ఎన్నడూ లేనివిధంగా ఇప్పటికే ఉన్న ఇజ్రాయెల్ డిఫెన్స్ ఫోర్స్(ఐడీఎఫ్)కు మద్దతుగా మరో 3 లక్షల మంది రిజర్వ్ సైనికులను రంగంలోకి దించాలని నిర్ణయించింది.
కేవలం రెండు రోజుల్లోనే రిజర్వ్ సైనికులందరినీ మొబిలైజ్ చేసింది. ఇజ్రాయెల్లో డిఫెన్స్ సర్వీస్ పౌరుల ప్రాథమిక నిర్బంధ సేవ కిందకు వస్తుంది. ప్రతీ పౌరుడు, పౌరురాలు డిఫెన్స్లో చేయాల్సి ఉంటుంది. డిఫెన్స్ సర్వీస్లో కనీసం 20 రోజులైనా పనిచేసి, ఇప్పుడు సాధారణ జీవితం గడుపుతున్న 40 ఏండ్ల వయసులోపు ఉన్న వారిని రిజర్వ్ సైనికులుగా పరిగణిస్తారు.
అధికారి స్థాయి సైనికులకు 45 ఏండ్ల లోపు వరకు కూడా రిజర్వ్ సైనికులుగా యుద్ధసమయంలో వారి సేవలను వాడుకుంటారు. మరోవైపు ఫ్రాన్స్‌‌‌‌‌‌‌‌‌‌‌‌‌‌‌‌లోని ఇజ్రాయెల్ – -ఫ్రెంచ్ రిజర్విస్ట్‌‌‌‌‌‌‌‌‌‌‌‌‌‌‌‌లు ఇజ్రాయెల్ సైన్యంలో చేరడానికి టెల్ అవీవ్‌‌‌‌‌‌‌‌‌‌‌‌‌‌‌‌కు పయనమయ్యారు. ఈమేరకు ఫ్రాన్స్రాజధాని ప్యారిస్లోని చార్లెస్డి గల్లే ఎయిర్పోర్టుకు చేరుకుంటున్నట్లు మీడియా ఏజెన్సీలు తెలిపాయి.
