హైదరాబాద్ లో ఘోర ప్రమాదం జరిగింది. కేబుల్ బ్రిడ్జిపై కారు డివైడర్ ను ఢీకొన్న ఘటనలో నలుగురికి తీవ్ర గాయాలయ్యాయి. ఆదివారం ( మే 17 ) తెల్లవారుజామున జరిగిన ఈ ఘటనకు సంబంధించి వివరాలిలా ఉన్నాయి.. కేబుల్ బ్రిడ్జిపై కారు అతివేగంగా వచ్చి డివైడర్ ను ఢీకొనడంతో ముందు భాగం నుజ్జు నుజ్జయ్యింది. అయితే ఎయిర్ బ్యాగ్స్ తెరుచుకోవడంతో ప్రాణాపాయం తప్పింది.
ఈ ఘటనలో కారులో ప్రయాణిస్తున్న నలుగురికి తీవ్ర గాయాలయ్యాయి. కార్ ఢీ కొన్న సమయంలో 100కిలో మీటర్ల వేగంతో డివైడర్ కు తాకినట్లు తెలుస్తోంది.
ఈ ఘటన తెల్లవారుజామున జరగడంతో బ్రిడ్జిపై వాహనాలేమీ లేకపోవడంతో పెను ప్రమాదం తప్పింది. ఈ మధ్య కేబుల్ బ్రిడ్జిపై వరుస ప్రమాదాలు జరుగుతున్న క్రమంలో భయాందోళనకు గురవుతున్నారు ప్రజలు.
