- అపార్ట్మెంట్ లక్ష్యంగా ఫైరింగ్
- పోలీసుల కాల్పుల్లో నిందితుడు మృతి
టొరంటో: కెనడాలోని టొరంటోలో దారుణం జరిగింది. ఓ అపార్ట్మెంట్లో ఉంటున్న వారిని లక్ష్యంగా చేసుకుని జరిగిన కాల్పుల్లో ఐదుగురు చనిపోయారు. మరో0 వ్యక్తి తీవ్రంగా గాయపడగా.. అతన్ని దగ్గర్లోని ప్రైవేట్ హాస్పిటల్కు తరలించారు. అతని పరిస్థితి క్రిటికల్గానే ఉందని డాక్టర్లు ప్రకటించారు. ఈ ఘటన కెనడా రాజధాని టొరంటోకు 30 కిలో మీటర్ల దూరంలోని వుఘాన్ సిటీలో ఆదివారం సాయంత్రం జరిగింది. పోలీసులు జరిపిన కాల్పుల్లో నిందితుడు చనిపోయాడు. ఫైరింగ్ గురించి స్థానికులు సమాచారం ఇవ్వడంతో వెంటనే వచ్చి చూడగా.. అపార్ట్మెంట్లోని ఫ్లాట్స్లో కొందరు చనిపోయి ఉన్నారని యార్క్ పోలీసులు తెలిపారు. ఈ క్రమంలో నిందితుడికి తమకు మధ్య జరిగిన ఎదురుకాల్పుల్లో అతను చనిపోయాడన్నారు. చనిపోయిన వాళ్లకు, నిందితుడికి మధ్య ఎలాంటి సంబంధం ఉందన్న కోణంలో కేసు దర్యాప్తు చేస్తున్నామని పోలీసులు వివరించారు. కాల్పులకు తెగబడిన వ్యక్తి అపార్ట్మెంట్కు చెందిన వాడా.. బయటివాడా.. అనేది తెలియాల్సి ఉందన్నారు. ఎందుకు ఫైరింగ్ చేశాడో కారణం తెలీదని వివరించారు.
జోర్డాన్లో ముగ్గురు పోలీసులు మృతి
దక్షిణ జోర్డాన్లోని మాన్ సిటీలో జరిగిన కాల్పుల్లో ముగ్గురు పోలీసు అధికారులు చనిపోయారు. పోయిన వారం డిప్యూటీ పోలీస్ డైరెక్టర్ అబ్దుల్ రజాక్ అబ్దెల్ హఫీజ్ అల్ దలాబేను హత్య చేసిన నిందితులను అరెస్ట్ చేసేందుకు వెళ్లిన టైంలో ఈ ఘటన జరిగింది. కాల్పుల్లో ప్రధాన నిందితుడు కూడా చనిపోయినట్టు పోలీసులు తెలిపారు. తొమ్మిది మంది అనుమానితులను అరెస్టు చేసినట్టు ప్రకటించారు. ఈ ఏరియాలో ఇస్లామిక్ స్టేట్ టెర్రరిస్ట్ గ్రూప్సపోర్టర్స్ ఉంటారని పోలీసులు వివరించారు.