SRH, CSK: ఐపీఎల్ 2026లో భాగంగా ఈ రోజు (2026, ఏప్రిల్ 18న) సన్రైజర్స్ హైదరాబాద్ వర్సెస్ చెన్నై సూపర్ కింగ్స్ మధ్య రసవత్తర పోరు జరిగే అవకాశం ఉంది. ఈ సీజన్లో ఇరు జట్లు ఒకే పొజిషన్లో ఉండటంతో ఈ మ్యాచ్లో విజయం సాధించిన జట్టు టాప్–5లోకి రానుంది. ఉప్పల్ స్టేడియంలో జరిగే ఈ మ్యాచ్లో సీఎస్కేకి నిజమైన అగ్ని పరీక్షే అని చెప్పాలి.. ఎందుకంటే ఉప్పల్లో చెన్నైపై సన్రైజర్స్కి ఉన్న రికార్డు అలాంటిది మరీ. ఐపీఎల్లో ఐదుసార్లు ఛాంపియన్స్గా నిలిచిన సీఎస్కే, ఉప్పల్లో మాత్రం జీరోనే అని చెప్పాలి.. గత 8 ఏళ్లలో ఈ స్టేడియంలో చెన్నై సూపర్ కింగ్స్ ఒక్క మ్యాచ్ కూడా గెలవలే.. ఈ వేదికపై ఆడిన అన్ని మ్యాచ్లలోనూ సన్రైజర్స్ హైదరాబాదే గెలిచింది. దాంతో హైదరాబాద్ జట్టు ఈ మ్యాచ్లో హాట్ ఫేవరెట్గా బరిలోకి దిగుతోంది.
హెడ్ టు హెడ్ రికార్డులు:
సన్రైజర్స్ హైదరాబాద్ వర్సెస్ చెన్నై సూపర్ కింగ్స్ మధ్య మొత్తం 22 మ్యాచ్లు జరిగగా, అందులో సీఎ్కకే 15 మ్యాచ్లలో విజయం సాధించగా, సన్రైజర్స్ హైదరాబాద్ కేవలం 7 మ్యాచ్లలో విక్టరీ సాధించింది. గతేడాది ఇరు జట్ల మధ్య జరిగిన ఏకైక మ్యాచ్లో కూడా ఎస్ఆర్హెచే గెలిచింది. ఇక చివరగా జరిగిన ఐదు మ్యాచ్లలో కూడా సన్రైజర్స్ హైదరాబాద్ 3– 2తో అధిపత్యం ప్రదర్శించింది. ఈ సీజన్లో సన్రైజర్స్ హైదరాబాద్ 5 మ్యాచ్లలో 2 గెలిచి, మూడింట్లో ఓడిపోయింది. రాజస్థాన్తో జరిగిన చివరి మ్యాచ్లో ఆరెంజ్ ఆర్మీ గ్రాంఢ్ విక్టరీ సాధించింది. ఇక చెన్నై సూపర్ కింగ్స్ కూడా మూడు మ్యాచుల్లో ఓడి, రెండింట్లో గెలిచింది. చివరగా ఆడిన రెండు మ్యాచ్లలో గెలిచి చెన్నై మంచి జోష్లో కనిపిస్తుంది. దాంతో ఈ మ్యాచ్ రసవత్తరంగా సాగే ఛాన్స్ ఉంది.
తుది జట్ల అంచనా:
సన్రైజర్స్ హైదరాబాద్: అభిషేక్ శర్మ, ట్రావిస్ హెడ్, ఇషాన్ కిషన్ (కెప్టెన్ & కీపర్), హెన్రిచ్ క్లాసెన్, సలీల్ అరోరా, అనికేత్ వర్మ, నితీష్ కుమార్ రెడ్డి, హర్ష్ దూబే, శివాంగ్ కుమార్, ప్రఫుల్ హింగే, ఈషన్ మలింగ.
ఇంపాక్ట్ ప్లేయర్స్: లియామ్ లివింగ్స్టోన్, హర్షల్ పటేల్
చెన్నై సూపర్ కింగ్స్:
సంజూ శాంసన్ (కీపర్), రుతురాజ్ గైక్వాడ్ (కెప్టెన్), ఆయుష్ మ్హత్రే, సర్ఫరాజ్ ఖాన్, శివమ్ దూబే, డెవాల్డ్ బ్రెవిస్, జేమీ ఓవర్టన్, నూర్ అహ్మద్, అన్షుల్ కంబోజ్, గుర్జప్నీత్ సింగ్, ఖలీల్ అహ్మద్.
ఇంపాక్ట్ ప్లేయర్స్: మాథ్యూ షార్ట్, మాట్ హెన్రీ
