- కల్వకుర్తి, కొల్లాపూర్లో కాంగ్రెస్ అభ్యర్థుల నామినేషన్లు
నాగర్ కర్నూల్.వెలుగు : ఉమ్మడి జిల్లా వ్యాప్తంగా 9 నామినేషన్లు దాఖలయ్యాయి. నాగర్ కర్నూల్ జిల్లాలో సోమవారం 8 నామినేషన్లు దాఖలయ్యాయి. కల్వకుర్తిలో కాంగ్రెస్ అభ్యర్థి కసిరెడ్డి నారాయణ రెడ్డి నామినేషన్ దాఖలు చేశారు. ఏఐసీసీ కార్యదర్శి వంశీచంద్ రెడ్డి, ఐక్యతా ఫౌండేషన్ చైర్మన్ సుంకిరెడ్డి రాఘవేందర్ రెడ్డి, జడ్పీ వైస్ చైర్మన్ బాలాజీ సింగ్, కల్వకుర్తి మాజీ సర్పంచ్ బృంగి ఆనంద్ కుమార్, పార్టీ నాయకులు, కార్యకర్తలు వెంటరాగా కసిరెడ్డి రిటర్నింగ్ అధికారికి నామినేషన్ సమర్పించారు. మాడ్గుల మండలం చంద్రాయన్ పల్లి కి చెందిన హనుమాదాస్,అచ్చంపేట మండలం లింగోటం గ్రామానికి చెందిన ఆంజనేయులు స్వతంత్ర అభ్యర్థులుగా నామినేషన్ దాఖలు చేశారు.
కొల్లాపూర్ నుంచి కాంగ్రెస్ అభ్యర్థి జూపల్లి కృష్ణారావు తరపున కేతూరి వెంకటేశ్ ఒక సెట్ నామినేషన్ కొల్లాపూర్ ఆర్ఓ కుమార్ దీపక్ కు అందజేశారు. అచ్చంపేట నియోజకవర్గంలో బీఎస్పీ అభ్యర్థి మోతుకూరి నాగార్జున ఒక సెట్ నామినేషన్ ను అచ్చంపేట రిటర్నింగ్ అధికారి గోపీరామ్ కు అందజేశారు. నాగర్ కర్నూల్ అసెంబ్లీ నియోజకవర్గం నుంచి ఇండిపెండెంట్ అభ్యర్థిగా వడ్డె శివకృష్ణ, ప్రజా ఏక్తా పార్టీ నుంచి బాచీపూర్ వెంకటయ్య రెండు సెట్ల నామినేషన్ పత్రాలను ఆర్ఓ వెంకట్ రెడ్డికి అందజేశారు. విద్యార్థుల రాజకీయ పార్టీ నుంచి సురేందర్ రెడ్డి నామినేషన్ సమర్పించారు.
జడ్చర్లలో అనిరుధ్రెడ్డి నామినేషన్
జడ్చర్ల అసెంబ్లీ నియోజకవర్గానికి సోమవారం కాంగ్రెస్ పార్టీ అభ్యర్థి జనంపల్లి అనిరుధ్ రెడ్డి నామినేషన్ వేశారు. అనంతరం ఆయన మీడియాతో మాట్లాడారు. ఈ నెల పదవ తేదీన భారీ ర్యాలీతో మరో సెట్ వేయనున్నట్లు ఆయన పేర్కొన్నారు.
జడ్చర్ల టౌన్, వెలుగు
