భద్రాద్రికొత్తగూడెం, వెలుగు : జిల్లా వ్యాప్తంగా శనివారం నిర్వహించిన జాతీయ లోక్ అదాలత్లో 92,979కేసులు పరిష్కారం అయ్యాయని జిల్లా న్యాయ సేవాధికార సంస్థ కార్యదర్శి, ప్రిన్సిపల్ సీనియర్ సివిల్ జడ్జి గొల్లపూడి భానుమతి తెలిపారు. కొత్తగూడెంలోని జిల్లా కోర్టులో నిర్వహించిన జాతీయ లోక్ అదాలత్లో ఆమె మాట్లాడారు. పెండింగ్ కేసుల అవార్డ్ అమౌంట్ దాదాపు రూ. కోటికి పైగా, ప్రమాద నష్టపరిహారం రూ. 2కోట్లు, ఈ చలాన్లు, బీఎస్ఎన్ఎల్ కేసులకు సంబంధించి రూ.కోటి అవార్డు అయ్యాయని పేర్కొన్నారు.
లోక్ అదాలత్లను కక్షిదారులు ఉపయోగించుకోవాలన్నారు. ప్రోగ్రాంలో ప్రిన్సిపల్ జూనియర్ సివిల్ జడ్జి బి. రామారావు, మొదటి అదనపు జూనియర్ సివిల్ జడ్జి ఎ. సుచరిత, పీపీ రాధాకృష్ణమూర్తి, బార్ అసోసియేషన్ ఉపాధ్యక్షులు డి. రమేష్. జనరల్ సెక్రెటరీ రామారావుతో పాటు పలువురు అడ్వకేట్స్ పాల్గొన్నారు.
భద్రాద్రిలో..
భద్రాచలం : భద్రాచలం జుడిషియల్ కోర్టులో శనివారం జాతీయ అదాలత్ జరిగింది. బార్ అసోషియేషన్ జనరల్ సెక్రటరీ కె.నవీన్కుమార్, అసిస్టెంట్ పబ్లిక్ ప్రాసిక్యూటర్ సాంబ దుర్గాభాయ్, లోక్ అదాలత్ మెంబర్ ఎం.వీ.రమణ, భద్రాచలం, చర్ల సీఐలు, లాయర్లు తదితరులు ఈ అదాలత్లో పాల్గొన్నారు.
ఇందులో 50 రాజీ కేసులు, 100 జరిమాన, 1585 సమ్మరీ ట్రయల్ కేసులు,ఒక మెయింటెనెన్స్, 54 బీఎస్ఎన్ఎల్ కేసులు పరిష్కారం కాగా రూ.3లక్షలు వసూలు అయ్యాయి. అన్ని రకాల కేసులు మొత్తం 1790 సెటిల్ అయ్యాయి.
