మాదాపూర్, వెలుగు: మాదాపూర్ మెడికవర్ పీడియాట్రిక్ డాక్టర్లు 16 నెలల చిన్నారికి విజయవంతంగా సర్జరీ చేశారు. మంగళవారం సర్జరీకి సంబంధించిన వివరాలను విమెన్ అండ్ చైల్డ్పీడియాట్రిక్ సర్జరీ హెడ్ డా.మధు మోహన్రెడ్డి వెల్లడించారు. టాంజానియా దేశానికి చెందిన 16 నెలల పాపను తల్లిదండ్రులు ఇటీవల మాదాపూర్ మెడికవర్కు తీసుకొచ్చారు. పుట్టుకతోనే పాప చాతి కుహరం వెలుపల కొట్టుకోవడం, పలుచటి చర్మంతో కప్పబడి ఉండటం, పేగులు, ఇతర అవయవాలు బయటకు పొడుచుకు వచ్చినట్లు కనిపిస్తూ ఉన్నాయి.
సమస్యను గుర్తించిన డాక్టర్లు పాప పెంటాలజీ ఆఫ్కాంట్రెస్తో బాధపడుతున్నట్లు తెలిపారు. వెంటనే సర్జరీకి రెడీ చేశారు. పీడియాట్రిక్ కార్డియాలజిస్టులు, సీవీటీ సర్జన్లు, పీడియాట్రిక్సర్జన్లు, ప్లాస్టిక్సర్జన్లు, అనస్థటిస్టులు, నర్సింగ్ సిబ్బంది 14 గంటల పాటు శ్రమించి ఆపరేషన్ను సక్సెస్చేశారు. ప్రస్తుతం చిన్నారి ఆరోగ్య పరిస్థితి నిలకడగా ఉందని డాక్టర్లు తెలిపారు. 55 లక్షల మందిలో ఒక్కరే ఇలా పుడతారని చెప్పారు. ప్రపంచంలో ఇప్పటి వరకు ఇలా 90 మంది మాత్రమే పుట్టారని, ఇది చాలా రేర్ కేస్అన్నారు. సర్జరీలో డాక్టర్లు ఆశిష్సప్రే, శ్రీనివాస్కిని, ఇతరులు పాల్గొన్నారు.