మాదాపూర్, వెలుగు: బీఆర్ఎస్ సోషల్ మీడియా కన్వీనర్ క్రిశాంక్పై మాదాపూర్ పోలీసులు కేసు నమోదు చేశారు. మాదాపూర్ ఇన్స్పెక్టర్ మల్లేశ్ తెలిపిన వివరాల ప్రకారం.. ముఖ్యమంత్రి రేవంత్ రెడ్డి, అతని సోదరుడు తిరుపతిరెడ్డి అవినీతికి పాల్పడ్డారంటూ బీఆర్ఎస్ సోషల్ మీడియా కన్వీనర్ మన్నే క్రిశాంక్ ఎక్స్(ట్విట్టర్)లో పోస్ట్ చేశారు. ఈ పోస్టుపై టీపీసీసీ వర్కింగ్ ప్రెసిడెంట్ మహేశ్ గౌడ్ ఈ నెల 16న మాదాపూర్ పోలీసులకు ఫిర్యాదు చేయగా, కేసు నమోదు చేశారు. బుధవారం క్రిశాంక్కు 41 సీఆర్సీసీ నోటీసులు ఇచ్చి, అతని ఫోన్ ని సీజ్ చేశారు.
