మదనపల్లె కిడ్నీ రాకెట్ కేసులో దర్యాప్తు ,ముమ్మరం చేశారు పోలీసులు. శనివారం ( నవంబర్ 15 ) సంబంధించి ఆరుగురు నిందితులను అదుపులోకి తీసుకున్న పోలీసులు.. ఈ కేసులో ఏ2గా ఉన్న డాక్టర్ పార్థసారథి కోసం ముమ్మరంగా గాలిస్తున్నారు. డాక్టర్ పార్థసారథి బెంగళూరులో ఉన్నట్లు సమాచారం అందడంతో 4 పోలీస్ బృందాలు అతని కోసం బెంగళూరులో ముమ్మరంగా గాలిస్తున్నట్లు సమాచారం.
ఈ కేసుకు సంబంధించి ఆరుగురు నిందితులకు 14 రోజుల రిమాండ్ విధించింది కోర్టు. పోలీసులు అరెస్ట్ చేసిన ఆరుగురు నిందితులు డాక్టర్ కంప ఆంజనేయులు,పిల్లి పద్మ, సత్య, సూరిబాబు, బాలరంగడు, మోహరాజ్‌ లకు ఆదివారం ( నవంబర్ 16 ) వైద్య పరీక్షలు నిర్వహించి, న్యాయమూర్తి ఎదుట హాజరుపరిచారు పోలీసులు. ఈ క్రమంలో నిందితులకు 14 రోజుల రిమాండ్ విధించింది కోర్టు.
కిడ్నీ రాకెట్ కి సంబందించిన మరో 8 మంది నిందితులు పరారీలో ఉన్నట్లు సమాచారం. పరారీలో ఉన్న నిందితుల కోసం నాలుగు బృందాలతో ముమ్మరంగా గాలిస్తున్నారు పోలీసులు. తెలంగాణ, గోవా, కర్ణాటకలో గాలింపు జరుపుతున్నట్లు తెలిపారు పోలీసులు.
