శంషాబాద్, వెలుగు: యూటర్న్ తీసుకునే క్రమంలో ఓ కంటెయినర్ డివైడర్ మధ్యలో ఇరుక్కుపోయింది. ఈ ఘటన శంషాబాద్ పరిధిలోని సిద్దాంతి బస్తీ వద్ద గురువారం సాయంత్రం 6 గంటలకు జరిగింది. కంటెయినర్ ఇరుక్కుపోవడంతో హైదరాబాద్ – బెంగళూరు నేషనల్ హైవేపై 2 గంటల పాటు భారీగా ట్రాఫిక్ జామ్ ఏర్పడింది.
ట్రాఫిక్ పోలీసులు అక్కడికి చేరుకుని బెంగళూరు నుంచి హైదరాబాద్ వైపు వచ్చే వెహికల్స్ను సిద్ధాంతి బస్తీ ఓఆర్ఆర్ సర్వీస్ రోడ్ నుంచి సింప్లెక్స్ వైపు దారి మళ్లించారు. శంషాబాద్ రూరల్ పోలీసులు గంటపాటు శ్రమించి క్రేన్ సాయంతో కంటెయినర్ను పక్కకు తొలగించారు. ట్రాఫిక్ను క్లియర్ చేశారు.
