హైదరాబాద్ లో భారీ అగ్ని ప్రమాదం జరిగింది. నగరంలోని ఖైరతాబాద్ పోలీస్ స్టేషన్ పరిధిలోని చింతల్ బస్తీ ప్రేమ్ నగర్ లో ఒక్కసారిగా మంటలు చెలరేగాయి. ఓ స్రాప్ గోదాంలో చెలరేగిన మంటలు క్రమంగా పెరగడంతో స్థానికులు భయాందోళనకు గురయ్యారు. వెంటనే అగ్ని మాపక సిబ్బందికి సమాచారం ఇచ్చారు.
విషయం తెలుసుకున్న ఫైర్ పోలీసులు ఘటనా స్థలానికి చేరుకుని ఫైర్ ఇంజన్ సహాయంతో మంటలు అదుపు చేస్తున్నారు. ఈ ప్రమాదంలో ఎటువంటి ప్రాణ నష్టం జరగలేదని తెలుస్తుంది. ఘటన పై కేసు నమోదు చేసుకుని దర్యాప్తు చేస్తామని పోలీసులు తెలిపారు.
