రైలు ప్రయాణం చేసేటప్పుడు కొన్ని సార్లు రష్ ఎక్కువగా ఉండొచ్చు. అలాంటప్పు ఒంటికో, రెంటికో వస్తే మనం ఏం చేస్తాం. కొందరైతే తప్పక అందర్నీ తప్పించుకుని వెళ్లి పని కానిస్తారు. మరి కొందరైతే జనం తగ్గుతారని వేచి చూస్తుంటారు. అలాగే ఒక యువకుడికి అర్జంట్గా టాయిలెట్ వెళ్లాల్సి వచ్చింది. ట్రైన్లో మాత్రం చీమ కూడా దూరనంత జనం కిక్కిరిసిపోయి ఉన్నారు. దీంతో అతను టాయిలెట్రూం కి చేరుకోవడానికి చిన్నపాటి సాహసమే చేయాల్సి వచ్చింది. అతను కూర్చున్న ప్లేస్ నుంచి బెర్త్సీట్లపై ఒక్కొక్క అడుగు పెడుతూ.. దూకుతూ చివరికి గమ్యానికి చేరుకున్నాడు. అతను సీట్లను దాటుతున్న దృశ్యాల్ని కొందరు వీడియో తీసి, బ్యాగ్రౌండ్లో ఆదిపురుష్సినిమాలోని పాటను ప్లే చేసి సోషల్ మీడియాలో అప్లోడ్ చేశారు. దీంతో ఆ వీడియో వైరల్గా మారింది.
నెటిజన్ల స్పందన..
ఆ వీడియో చూసిన నెటిజన్లు విభిన్నంగా స్పందిస్తున్నారు. రద్దీగా ఉండే ప్రజా రవాణాలో ఇలాంటి పరిస్థితులు ఉంటే పబ్లిక్ ఇబ్బందులు ఎదుర్కుంటారని, అధికారులు ఇలాంటి సమస్యలపై దృష్టి పెట్టి పబ్లిక్ ట్రాన్స్ పోర్టేషన్ని మెరుగుపరచాలని ఒకరు కోరారు. ఇండియాలో రైల్వేల పరిస్థితికి ఈ వీడియో నిదర్శనమని, జంతువులకన్నా దారుణంగా ఉందని మరొకరు ఘాటుగా వ్యాఖ్యానిస్తూ రైల్వే మంత్రి అశ్విని వైష్ణవ్ని ట్యాగ్ చేశారు. ఇంకొకరు అతని స్పైడర్ మ్యాన్ అంటూ పొగిడారు.
