డిఫరెంట్ స్క్రిప్ట్ లను సెలెక్ట్ చేసుకుంటూ కొత్త దర్శకులను ఎంకరేజ్ చేయడంలో హీరో నాగార్జున ముందుంటారు. తాజాగా ఆయన వందో సినిమా సన్నాహాల్లో బిజీగా ఉన్నారు. తన కెరీర్‌ మైల్ స్టోన్‌ మూవీని తమిళ దర్శకుడు రా.కార్తీక్‌ రూపొందిస్తున్నాడు. ఈ చిత్రానికి మొన్నటి వరకు ‘కింగ్ 100 నాటౌట్‌’ అనే టైటిల్ ప్రచారంలో ఉంది. తాజాగా ఈ టైటిల్‌‌లో ట్విస్ట్ ఉందని, ఈ చిత్రానికి మరో టైటిల్‌‌ను ఫిక్స్ చేశారనే టాక్ వినిపిస్తోంది. ఈ కథకు లాటరీకు సంబంధం ఉందని అందుకే ‘లాటరీ కింగ్’ అనే పేరును ఫైనల్ చేశారని సోషల్ మీడియాలో వైరల్ అవుతోంది.
ఏ టైటిల్ ఫిక్స్ చేసినా అందులో కింగ్ మాత్రం కంపల్సరీగా ఉండేలా మేకర్స్ ప్లాన్ చేస్తున్నారట. మరోవైపు ఈ సినిమాను దసరా సందర్భంగా పూజా కార్యక్రమాలతో ప్రారంభించినట్టు తెలుస్తోంది. యాక్షన్‌‌తో పాటు ఫ్యామిలీ ఎమోషన్స్‌‌తో ఈ సినిమా తెరకెక్కనుందని, ఇందులో నాగ్‌‌తోపాటు నాగచైతన్య, అఖిల్ కూడా కీలక పాత్రలు పోషించబోతున్నారని ప్రచారం జరుగుతోంది. అలాగే ముగ్గురు హీరోయిన్స్ నటించబోతున్నారని తెలుస్తోంది. అన్నపూర్ణ స్టూడియోస్ బ్యానర్‌‌‌‌పై ఈ చిత్రాన్ని నిర్మించనున్నారు. దేవిశ్రీ ప్రసాద్ సంగీతం అందిస్తున్నాడు. త్వరలోనే రెగ్యులర్ షూటింగ్ స్టార్ట్ కానుంది.
