యంగ్ రెబల్ స్టార్ ప్రభాస్(Prabhas) రాముడిగా చేసిన లేటెస్ట్ మూవీ ఆదిపురుష్(Adipurush). బాలీవుడ్ డైరెక్టర్ ఓం రౌత్(Om Raut) దర్శకత్వంలో.. భారీ అంచనాల మధ్య ప్రేక్షకుల ముందుకు వచ్చిన ఈ సినిమాకు.. మొదటి షో నుండే నెగిటీవ్ టాక్ వచ్చింది. రామాయణ గాధ ఆధారంగా వచ్చిన ఈ సినిమాలో.. సంభాషణలు, సన్నివేశాల మార్పు, పాత్రల చిత్రీకరణపై దేశవ్యాప్తంగా తీవ్ర అభ్యంతరాలు వ్యక్తం అయ్యాయి.
దీంతో సినిమాను బ్యాన్ చేయాలంటూ కోర్టులో పిటీషన్స్ కూడా దాఖలు అయ్యాయి. ఈ ప్రభావం సినిమా కలెక్షన్స్ పై పడింది. దాదాపు రూ.650 కోట్ల భారీ బడ్జెట్ తో వచ్చిన ఈ సినిమా.. కనీసం అందులో సగం కూడా కలెక్ట్ చేయలేకపోయింది. సినిమాను నమ్ముకున్న డిస్ట్రిబ్యూటర్స్ తీవ్రంగా నష్టపోయారు.
కనీసం ఓటీటీలో ఐనా మంచి రిజల్ట్ ఉంటుందేమో అని ఆశించిన మేకర్స్ కు.. ఆ సంతోషం కూడా లేకుండా పోయింది. ఆదిపురుష్ మూవీ ఇంకా ఓటీటీలో రిలీజ్ అవలేదు కానీ.. ఈ సినిమా HD వెర్షన్ ఆన్లైన్లో లీకైంది. ఈ న్యూస్ ఆదిపురుష్ మేకర్స్ ను అవాక్కయ్యేలా చేసింది. దీంతో ఈ సినిమాను ఆన్లైన్ నుండి తొలగించే ప్రయత్నం చేస్తున్నారు మేకర్స్. అయితే ఇప్పటికే చాలామంది ఈ మూవీని డౌన్లోడ్ చేసుకున్నారని సమాచారం. ఓటీటీ రిలీజ్ అప్పటికే ఈ సినిమాను అందరూ చూసేసుంటారు. దీంతో ఆదిపురుష్ ఓటీటీలో కూడా సేమ్ రిజల్ట్ అందుకోనుందా అనే కామెంట్స్ వస్తున్నాయి.
