యంగ్ రెబల్ స్టార్ ప్రభాస్(Prabhas) ప్రధాన పాత్రలో వస్తున్న ఆదిపురుష్(Adipurush) సినిమా ప్రీ రిలీజ్ ఈవెంట్ కోసం భారీగా ఖర్చు చేస్తున్నారట మేకర్స్. ప్రస్తతం ఇండియా వైడ్ గా ఎక్కడ చూసినా ఈ టాపిక్ గురించే డిస్కషన్ నడుస్తోంది. ఈ సినిమా ప్రీ రిలీజ్ ఈవెంట్ జూన్ 6న తిరుపతిలో గ్రాండ్ గా జరుగనున్న విషయం తెలిసిందే. ఈ ఈవెంట్ చీఫ్ గెస్ట్ గా ప్రముఖ ఆధ్యాత్మిక గురువు చిన్న జీయర్ స్వామీ(Chinna Jeeyar Swamy) హాజరుకానున్నారు.
ఇక తాజాగా ఈ ప్రీ రిలీజ్ ఈవెంట్ గురించి మరో న్యూస్ సోషల్ మీడియాలో ట్రేండింగ్ అవుతోంది. అదేంటంటే.. ఈ ఈవెంట్ కోసం మేకర్స్ దాదాపు రూ. 2.5 కోట్లు ఖర్చుపెడుతున్నారట. అంతేకాదు కేవలం క్రాకర్స్(ఫైర్ వర్క్) కోసమే 50 లక్షలు ఖర్చు చేస్తున్నారని సమాచారం. అయితే ఇప్పటివరకు జరిగిన ప్రీ రిలీజ్ ఈవెంట్స్ లో ఇదే హైయెస్ట్ కావడం విశేషం. ఈ విషయం తెల్సుకున్న ఇండస్ట్రీ వర్గాలు షాకవుతున్నాయట. కేవలం ప్రీ రిలీజ్ కోసం ఇంత ఖర్చు చేయడం ఏంటని అవాక్కవుతున్నారట.
రామాయణ గాధ ఆధారంగా వస్తున్న ఈ సినిమాలో ప్రభాస్ రాముడిగా, బాలీవుడ్ హీరోయిన్ కృతి సనన్(Kriti Sanon) సీతగా కనిపించనున్నారు. ఈ సినిమా నుండి ఇప్పటికే రిలీజ్ ఐన పోస్టర్స్, సాంగ్స్,ట్రైలర్ సినిమాపై అంచనాలు భారీగా పెంచేశాయి. ఇక ఇప్పుడు భారీ ఎత్తున జరగనున్న ప్రీ రిలీజ్ ఈవెంట్ తో ఆ అంచనాలు నెక్స్ట్ లెవల్ కు చేరుకోవడం ఖాయం అంటున్నారు ఇండస్ట్రీ వర్గాలు. దాదాపు రూ. 600 కోట్ల బడ్జెట్ తో రానున్న ఈ సినిమాను బాలీవుడ్ డైరెక్టర్ ఓం రౌత్(Om Raut) తెరకెక్కిస్తుండగా.. జూన్ 16న ప్రేక్షకుల ముందుకు రానుంది.
