హైదరాబాద్, వెలుగు: ఆగస్టు 15 తర్వాత గ్రామాల్లో నీళ్లు, కరెంట్ బంజేస్తామని గ్రామ పంచాయతీ కార్మికులు ప్రభుత్వాన్ని హెచ్చరించారు. గురువారం గ్రామ పంచా యతీ ఉద్యోగులు, కార్మికుల జేఏసీ మీటింగ్ జరిగింది. ఇందులో సమ్మెను మరింత ఉధృ తం చేయాలని నిర్ణయించారు. ఈ మేరకు జేఏసీ చైర్మన్ పాలడుగు భాస్కర్, జనరల్ సెక్రటరీ యజ్ఞ నారాయణ్ ప్రణాళికను ప్రకటించారు. ఈ నెల 6న రాజకీయ పార్టీలు, ప్రజా సంఘాలతో రౌండ్ టేబుల్ సమావేశాలు, 7న రాస్తారోకోలు, 8,9,10 తేదీల్లో మహాపడావ్లు, 13,14 తేదీల్లో మండలాల్లో రచ్చబండ కార్యక్రమాలు నిర్వహించనున్నట్టు చెప్పారు. మీటింగ్ అనంతరం సెక్రటేరియెట్లో పంచాయతీ రాజ్ శాఖ ప్రిన్సిపల్ సెక్రటరీ సందీప్ కుమార్ సుల్తానియాను కలిసి సమస్యలు పరిష్కరించాలని వినతిపత్రం అందజేశారు.
