ముంబై: భారత స్టార్ ఆల్ రౌండర్ హార్దిక్ పాండ్యా తన మాజీ భార్య నటాషా స్టాంకోవిచ్, కుమారుడు అగస్త్యకు లగ్జరీ కారును గిఫ్ట్గా ఇచ్చాడు. ఏకంగా రూ.4 కోట్ల విలువైన ల్యాండ్ రోవర్ డిఫెండర్ కారును బహుమతిగా అందజేశాడు. ఈ విషయాన్ని ల్యాండ్ రోవర్ ముంబై బ్రాంచ్ వెల్లడించింది. ‘‘మిస్టర్ హార్దిక్ పాండ్యా మరోసారి డిఫెండర్ కారును కొనుగోలు చేయడానికి ముంబైలోని నవ్నిత్ మోటార్స్ను ఎంచుకున్నారు” అని తెలిపింది.
స్టాంకోవిచ్, అగస్త్య స్వయంగా షోరూమ్కు వెళ్లి కారు తీసుకున్నారు. ఈ విషయం సోషల్ మీడియాలో వైరల్ కావడంతో పాండ్యాపై నెటిజన్లు ప్రశంసలు కురిపిస్తున్నారు. విడాకులిచ్చినప్పటికీ మాజీ భార్యపై గౌరవం, కొడుకుపై ప్రేమ ఏ మాత్రం తగ్గలేదని పాండ్యా నిరూపించాడని కొనియాడారు.
విడాకులు తీసుకుని డబ్బుల కోసం ఒకరిపై ఒకరు ఆరోపణలు చేసుకుంటున్న ఈ రోజుల్లో కూడా మాజీ భార్య, కొడుకు పట్ల పాండ్యా విధేయతగా ఉండటం గ్రేట్ అంటున్నారు. పాండ్యా, నటాషా విడిపోయినప్పటికీ కొడుకు విషయంలో మాత్రం బెస్ట్ పేరెంట్స్గా ప్రశంసలు అందుకుంటున్నారు. పాండ్యా నటాషాతో డివోర్స్ తీసుకుని ప్రస్తుతం మహికా శర్మతో రిలేషన్లో ఉన్నప్పటికీ కొడుకు అగస్త్య తన అత్యంత ప్రాధాన్యత అని మరోసారి నిరూపించాడు.
మోడల్, నటి అయిన నటాషా అందానికి ఆకర్షితుడైన పాండ్యా 2019 డిసెంబర్ 31న దుబాయ్లో ఆమె చేతికి ఉంగరం తొడిగి తన ప్రేమను వ్యక్తపరిచాడు. అనంతరం కుటుంబసభ్యుల నడుమ ఆమెను రిజిస్టర్ మ్యారేజ్ చేసుకున్నాడు. 2020 జులైలో నటాషా అగస్త్యకు జన్మనిచ్చింది.
ఇక్కడితో ఊరుకోని ఈ జంట 2023 ఫిబ్రవరి 14న ఉదయుర్ (రాజస్థాన్) ప్యాలెస్లో హిందూ, క్రిస్ట్రియన్ పద్ధతుల్లో మరోసారి పెళ్లి చేసుకున్నారు. ఇలా ఎన్ని చేసుకున్నా చివరి వరకు కలిసుండలేకపోయారు. 2024 జూలైలో పాండ్యా, నటాషా వివాహ బంధానికి ముగింపు పలుకుతూ డివోర్స్ తీసుకున్నారు. ఆ తర్వాత పాండ్యా బ్రిటన్ సింగర్ జాస్మిన్ వాలియాతో డేటింగ్ చేస్తున్నాడన్న జోరుగా ప్రచారం జరిగింది. కానీ పాండ్యా మరో మోడల్ మిహికా శర్మతో ప్రేమాయణం నడుపుతున్నాడు.
