Kuldeep Yadav, Varun Chakravarthy: ఆక్లాండ్ వేదికగా జరిగిన నాలుగో టీ20 మ్యాచ్‌లో న్యూజిలాండ్ 259/7 పరుగులతో చెలరేగి, భారత్‌ను 87 పరుగుల తేడాతో ఓడించిన విషయం తెలిసిందే. జట్టు బౌలింగ్ యూనిట్ దారుణంగా విఫలమైనప్పటికీ.. సీనియర్ స్పిన్నర్లు కుల్దీప్ యాదవ్ (Kuldeep Yadav), వరుణ్ చక్రవర్తి (Varun Chakravarthy) లని బెంచ్ మీద కూర్చోబెట్టడంపై తీవ్ర చర్చ నడుస్తోంది. దీనిపై టీమిండియా స్పిన్ బౌలింగ్ కోచ్ సాయిరాజ్ బహుతులే (Sairaj Bahutule) క్లారిటీ ఇచ్చారు.
వాళ్లకు పరిస్థితి తెలుసు.. త్వరలోనే ఛాన్స్:
పోస్ట్-మ్యాచ్ ప్రెస్ కాన్ఫరెన్స్‌లో స్పిన్నర్ల ఎంపికపై కోచ్ బహుతులే మాట్లాడుతూ.. కుల్దీప్, వరుణ్ ఇద్దరూ ఆడటానికి పూర్తి సన్నద్ధంగా ఉన్నారు. అయితే జట్టు కాంబినేషన్, వ్యూహాలకు అనుగుణంగా కొన్నిసార్లు తుది జట్టులో ఛాన్స్ దక్కకపోవచ్చనే విషయాన్ని వారు అర్థం చేసుకున్నారు. మేనేజ్‌మెంట్ వారికి ఎప్పటికప్పుడు స్పష్టత ఇస్తోందన్నారు. కాగా హమిల్టన్‌లో జరగబోయే చివరి టీ20తో పాటు రాబోయే వన్డే సిరీస్‌లోనూ కుల్దీప్, వరుణ్‌లకు అవకాశాలు లభించే ఛాన్స్ ఉంది. వాళ్లని ఎప్పుడు పిలిచినా బరిలోకి దిగేందుకు సిద్ధంగా ఉన్నారని పేర్కొన్నారు.
అభిషేక్ శర్మ బౌలింగ్:
* అభిషేక్ శర్మ నెట్ ప్రాక్టీస్: ఆల్‌రౌండర్ అభిషేక్ శర్మ నెట్స్‌లో తన స్పిన్ బౌలింగ్‌ను తీవ్రంగా ప్రాక్టీస్ చేస్తున్నాడని.. అయితే మ్యాచ్‌లో అతడికి బౌలింగ్ ఇవ్వాలనే నిర్ణయం పూర్తిగా కెప్టెన్ శ్రేయస్ అయ్యర్ మైండ్ సెట్, మైదాన పరిస్థితులపై ఆధారపడి ఉంటుందని వెల్లడించాడు.
* చిన్న బౌండరీల ఒత్తిడి: ఈడెన్ పార్క్ గ్రౌండ్ డైమెన్షన్స్ (చిన్న బౌండరీలు) బౌలర్లకు సవాలుగా మారాయని.. ఆక్లాండ్ పిచ్‌పై కివీస్ బ్యాటర్లు గ్లెన్ ఫిలిప్స్, మైఖేల్ బ్రేస్‌వెల్ విధ్వంసకర ఇన్నింగ్స్ ఆడటంతో తమ వ్యూహాలు ఫలించలేదని అంగీకరించాడు. ఈ ఓటమి ఎదురైనప్పటికీ.. 5 మ్యాచ్‌ల సిరీస్‌లో భారత్ ప్రస్తుతం 3–1 ఆధిక్యంలో ఉండటం విశేషం. చివరి టీ20 మ్యాచ్ హమిల్టన్ వేదికగా నవంబర్ 1వ తేదీ (ఆదివారం) నాడు జరగనుంది.
►ALSO READ | వైభవ్‌ను మళ్లీ పక్కన పెట్టడంపై నెట్టింట రచ్చ.. CSK మాజీ కోచ్ కీలక వ్యాఖ్యలు!
