ఇండియన్ ప్రీమియర్ లీగ్ (IPL 2027) ముందు ముంబై ఇండియన్స్ (Mumbai Indians) ఫ్రాంచైజీలో ఊహించని పరిణామాలు చోటు చేసుకుంటున్నాయి. గత మూడేళ్లుగా హార్దిక్ పాండ్యా సారథ్యంలో జట్టు కేవలం ఒక్కసారి మాత్రమే ప్లేఆఫ్స్‌కు అర్హత సాధించడంతో తీవ్ర అసంతృప్తితో ఉన్న మేనేజ్‌మెంట్.. రోహిత్ శర్మ (Rohit Sharma) ను తిరిగి కెప్టెన్‌గా తీసుకురావడానికి రంగం సిద్ధం చేసింది. న్యూజిలాండ్ వన్డే సిరీస్ కోసం ఆక్లాండ్ విమానం ఎక్కే ముందే రోహిత్‌తో మాట్లాడిన యాజమాన్యం.. కెప్టెన్సీ బాధ్యతలు తిరిగి స్వీకరించడానికి ఒప్పించినట్లు పలు నివేదికలు స్పష్టం చేస్తున్నాయి.
తిలక్ వర్మ పేరు చెప్పిన రోహిత్:
* కెప్టెన్సీ ఎంపికలో టీమిండియా టీ20 స్టార్ సూర్యకుమార్ యాదవ్, జస్‌ప్రీత్ బుమ్రాల పేర్లు పరిశీలనకు వచ్చినా.. రోహిత్ శర్మ మాత్రం యంగ్ బ్యాటర్ తిలక్ వర్మ (Tilak Varma) ను భవిష్యత్ కెప్టెన్‌గా సజెస్ట్ చేసినట్లు తెలుస్తోంది.
* మేనేజ్‌మెంట్ విజ్ఞప్తి: తిలక్ వర్మ పేరును రోహిత్ శర్మ ప్రతిపాదించినప్పటికీ, ఫ్రాంచైజీ రీ-బిల్డింగ్ సమయంలో అనుభవజ్ఞుడైన రోహిత్ శర్మనే సరైన దిశ చూపిస్తాడని భావించి మేనేజ్‌మెంట్ ఆయననే పగ్గాలు చేపట్టాలని విజ్ఞప్తి చేసింది. దానికి హిట్ మ్యాన్ కూడా గ్రీన్ సిగ్నల్ ఇచ్చినట్లు తెలుస్తోంది.
* కొత్త కోచింగ్ బృందంలో రోహిత్ మార్క్: ఈరోజు (అక్టోబర్ 30, శుక్రవారం) ప్రకటించిన ముంబై కొత్త కోచింగ్ స్టాఫ్ (హెడ్ కోచ్ కేరన్ పొలార్డ్, బ్యాటింగ్ కోచ్ రాబిన్ ఉతప్ప, బౌలింగ్ కోచ్ మిచెల్ మెక్‌క్లెనాగన్, ఫీల్డింగ్ కోచ్ టి. దిలీప్, డెవలప్‌మెంట్ కోచ్ ధావల్ కులకర్ణి) ఎంపికలో కూడా రోహిత్ శర్మ సలహాలను తీసుకున్నారని సమాచారం.
హార్దిక్ పాండ్యా ట్రేడింగ్ ఫిక్స్:
* హార్దిక్ పాండ్యాను కెప్టెన్సీ నుంచి తప్పించడమే కాకుండా, ఆయనను మరో ఐపీఎల్ ఫ్రాంచైజీకి ట్రేడ్ చేయడానికి (Trade Deal) ముంబై ఇండియన్స్ మేనేజ్‌మెంట్ సిద్ధమైనట్లు తెలుస్తోంది.
* రోహిత్ కింద ఆడేందుకు సిద్ధం: ఒకవేళ ట్రేడ్ డీల్ కుదరకపోతే.. రోహిత్ శర్మ కెప్టెన్సీలోనే హార్దిక్ సాధారణ ఆటగాడిగా కొనసాగేందుకు అంగీకరించినట్లు విశ్వసనీయ వర్గాలు వెల్లడించాయి.
* వాంఖడే ఫ్యాన్స్ రియాక్షన్: 2024లో గుజరాత్ టైటాన్స్ నుంచి వచ్చిన హార్దిక్ వాంఖడే స్టేడియంలో అభిమానుల నుంచి విపరీతమైన ట్రోలింగ్ కు గురైన సంగతి తెలిసిందే. టీ20 వరల్డ్ కప్ లో హీరోగా నిలిచిన తర్వాత అభిమానుల మనసులు గెలుచుకున్నా.. ఫ్రాంచైజీ కెప్టెన్‌గా మాత్రం ఆయన విఫలమయ్యాడనే ముద్ర పడింది.
* మొత్తానికి, 5 ఐపీఎల్ టైటిళ్లు అందించిన హిట్ మ్యాన్ రోహిత్ శర్మ మళ్లీ 'ముంబై పల్టాన్' కు నాయకత్వం వహించబోతుండటంతో ముంజై అభిమానుల ఆనందానికి అవధులు లేకుండా పోయాయి.
🚨 ROHIT AGREED TO BECOME MI CAPTAIN. 🚨 - Rohit Sharma initially suggested Tilak Varma’s name for the Mumbai Indians captaincy, but MI requested Rohit to lead again and he has agreed. (Express Sports). https://t.co/IfOubDQ0fp
— Mufaddal Vohra (@mufaddal_vohra) October 30, 2026
