తిరుమల మొదటి ఘాట్ రోడ్డులో ప్రమాదం జరిగింది. పదహారో మలుపు దగ్గర ఓ వాహనం అదుపుతప్పి రక్షణ గోడను దాటి బోల్తా పడింది. 2026 అక్టోబర్ 30న జరిగిన ఈ ప్రమాదంలో ఐదుగురు భక్తులకు గాయాలయ్యాయి.
శ్రీవారి దర్శనం అనంతరం తిరుమల నుంచి తిరుపతికి తిరుగు ప్రయాణమవుతున్న సమయంలో ఈ ప్రమాదం జరిగింది. అతివేగమే ప్రమాదానికి కారణమని ప్రాథమికంగా తెలుస్తోంది. ఎవరికీ ప్రాణాపాయం కాకపోవడంతో పెను ప్రమాదం తప్పింది.
సమాచారం అందుకున్న పోలీసులు, విజిలెన్స్ సిబ్బంది హుటాహుటిన ఘటనా స్థలానికి చేరుకుని సహాయక చర్యలు చేపట్టారు. గాయపడిన భక్తులను చికిత్స నిమిత్తం తిరుపతి ఆస్పత్రికి తరలించారు.
ప్రమాదం కారణంగా ఘాట్ రోడ్డులో ట్రాఫిక్‌కు అంతరాయం కలగకుండా వాహనాల రాకపోకలను క్రమబద్ధీకరించారు. గాయపడిన భక్తులు మహారాష్ట్రకు చెందిన వారిగా పోలీసులు గుర్తించారు. ఘటనపై కేసు నమోదు చేసి దర్యాప్తు చేపట్టారు.
