టాలీవుడ్ స్టార్ హీరోయిన్ సమంత రూత్ ప్రభు ప్రస్తుతం తన జీవితంలోనే అత్యంత మధురమైన ఘట్టాన్ని ఆస్వాదిస్తున్నారు. ఒకవైపు సినిమాలతో ప్రేక్షకులను అలరిస్తూనే.. మరోవైపు మాతృత్వపు మధురానుభూతుల కోసం ఎదురుచూస్తున్నారు. ఈ క్రమంలోనే లేటెస్ట్ గా ఆమె షేర్ చేసిన ఓ వీడియో సోషల్ మీడియాలో తెగ వైరల్ అవుతోంది. తొమ్మిదో నెలలోనూ జిమ్‌లో వర్కవుట్స్ చేస్తూ కనిపించిన సామ్.. తన ఫిట్‌నెస్ జర్నీతో అభిమానులను ఆశ్చర్యపరిచారు.
సోషల్ మీడియాలో ఎప్పుడూ యాక్టివ్‌గా ఉండే సమంత తన ప్రెగ్నెన్సీ ఫిట్‌నెస్ జర్నీకి సంబంధించిన ప్రత్యేక వీడియోను అభిమానులతో పంచుకున్నారు. గర్భం దాల్చిన మొదటి నెల నుంచి తొమ్మిదో నెల వరకు ఆమె చేసిన వ్యాయామాలకు సంబంధించిన దృశ్యాలను ఇందులో పొందుపరిచారు. ముఖ్యంగా తొమ్మిదో నెలలోనూ డంబెల్స్ పట్టుకుని వెయిటెడ్ స్క్వాట్స్ చేస్తున్న సమంతను చూసి నెటిజన్లు ఫిదా అవుతున్నారు. ఈ వీడియోకు '#9 The Final Lap' అంటూ క్యాప్షన్ జతచేశారు. దీంతో ఆమె మాతృత్వ ప్రయాణం చివరి దశకు చేరుకుందంటూ అభిమానులు శుభాకాంక్షలు తెలుపుతున్నారు.
►ALSO READ | నా నమ్మకమే నా గర్వం.. నాతో పోటీ పడి అదృష్టం కూడా గెలవలేదు: శ్రద్ధా కపూర్ ఈఠా ట్రైలర్ అదుర్స్!
గతేడాది డిసెంబర్‌లో ప్రముఖ దర్శకుడు రాజ్ నిడిమోరును వివాహం చేసుకున్న సమంత.. ఈ ఏడాది తన ప్రెగ్నెన్సీ విషయాన్ని అధికారికంగా వెల్లడించారు. 'మా ఇంటి బంగారం' సినిమా సక్సెస్ మీట్‌లో మాతృత్వం కోసం కొంతకాలం విరామం తీసుకోనున్నట్లు కూడా తెలిపారు. ఇక రాజ్‌తో తన ప్రెగ్నెన్సీ అనుకోకుండా వచ్చిన సర్‌ప్రైజ్ అని గతంలో ఓ ఇంటర్వ్యూలో వెల్లడించారు...
ప్రస్తుతం సమంత షేర్ చేసిన వీడియోకు అభిమానులతో పాటు పలువురు నెటిజన్లు ప్రశంసలు కురిపిస్తున్నారు. అయితే గర్భధారణ సమయంలో వ్యాయామాలు వ్యక్తిగత ఆరోగ్య పరిస్థితులకు అనుగుణంగా నిపుణుల సలహాతోనే చేయాలి. మొత్తానికి 'ది ఫైనల్ ల్యాప్' అంటూ సామ్ చేసిన ఈ పోస్ట్ సోషల్ మీడియాలో హాట్ టాపిక్‌గా మారింది.
