ముషీరాబాద్, వెలుగు: రాష్ట్రంలోని హెచ్ఐవీ, ఎయిడ్స్ కంట్రోల్ కాంట్రాక్ట్ ఉద్యోగులను హెల్త్ డిపార్ట్మెంట్లో విలీనం చేయాలని స్టేట్ ఎయిడ్స్ కంట్రోల్ కాంట్రాక్ట్ ఉద్యోగుల సంఘం రాష్ట్ర అధ్యక్షుడు టి.శివప్రసాద్ ప్రభుత్వానికి విజ్ఞప్తి చేశారు.
గురువారం బాగ్లింగంపల్లి సుందరయ్య విజ్ఞాన కేంద్రంలో కాంట్రాక్ట్ ఉద్యోగుల సంఘం రాష్ట్ర స్థాయి సమావేశం జరిగింది. శివప్రసాద్ మాట్లాడుతూ.. 800 మందికి పైగా ఉద్యోగులు కాంట్రాక్ట్ పద్ధతిన 20 ఏండ్లుగా రాష్ట్రంలోని వివిధ ప్రభుత్వ ఆసుపత్రుల్లో పనిచేస్తున్నారని తెలిపారు. సీఎం రేవంత్ రెడ్డి చొరవ తీసుకొని సొసైటీగా ఉన్న ఎయిడ్స్ కంట్రోల్ను హెల్త్ డిపార్ట్ మెంట్ లో విలీనం చేయాలని కోరారు. కార్యక్రమంలో రంజిత్ కుమార్, శ్రీదేవి, నాగరాజు, నరేందర్, శ్యాంసుందర్, నాగమణి, సతీశ్, రవి తదితరులు పాల్గొన్నారు.
