మెగాహీరో అల్లు శిరీష్ మరో కొత్త కాన్సెప్ట్ తో ప్రేక్షకుల ముందుకు రానున్నాడు. ఆయన హీరోగా నటిస్తున్న లేటెస్ట్ మూవీ "బడ్డీ". తమిళ టాప్ ప్రొడక్షన్ బ్యానర్ స్టూడియో గ్రీన్‌ సంస్థ నిర్మిస్తున్న ఈ సినిమా నుండి ఫస్ట్ లుక్ అండ్ గ్లింప్స్ ను రిలీజ్ చేశారు మేకర్స్. ఈ గ్లింప్స్ చూడటానికి చాలా ఇంటరెస్టింగ్ గా ఉంది. ఒక టెడ్డీ బియర్ కూడా ఈ సినిమాలో ప్రధాన పాత్రలో కనిపిస్తుందని గ్లింప్స్ చూస్తే అర్థమవుతోంది.
ఇక అల్లు శిరీష్ తన బడ్డీతో ప్రేక్షకులను అలరించడానికి సిద్ధంగా ఉన్నట్లు కనిపిస్తోంది. ఈ చిత్రాన్ని ప్రముఖ నిర్మాత జ్ఞానవేల్ రాజా నిర్మించారు. గాయత్రి భరద్వాజ్, గోకుల్ కీలక పాత్రల్లో నటిస్తున్న ఈ చిత్రానికి సామ్ ఆంటోన్ దర్శకత్వం వహించారు. మరి కొద్ది రోజుల్లోనే ఈ సినిమా ప్రేక్షకుల ముందుకు రానుంది.
