న్యూఢిల్లీ: ఢిల్లీ సీఎం అర్వింద్ కేజ్రీవాల్ అరెస్ట్పై అమెరికా స్పందించింది. ఇండియాలోని ప్రతిపక్ష నేత అర్వింద్ కేజ్రీవాల్ అరెస్ట్కు సంబంధించిన అంశాన్ని నిశితంగా పరిశీలిస్తున్నామని అమెరికా తెలిపింది. ఈ కేసులో పారదర్శక విచారణను ప్రోత్సహిస్తున్నామని పేర్కొంది. కేజ్రీవాల్ అరెస్టుపై మీడియా అడిగిన ప్రశ్నకు అమెరికా ప్రభుత్వ అధికార ప్రతినిధి బదులిస్తూ.. ‘‘సమయానుకూల, పారదర్శక న్యాయప్రక్రియ జరుగుతుందని ఆశిస్తున్నాం’’ అని వెల్లడించారు. కేజ్రీవాల్ అరెస్ట్పై ఇటీవల జర్మనీ అధికార ప్రతినిధి కూడా స్పందించగా.. మన విదేశాంగ మంత్రిత్వ శాఖ తీవ్ర అభ్యంతరం వ్యక్తంచేసిన విషయం తెలిసిందే!
