2019 ఆగస్ట్ ఐదో తేదీన జమ్మూకశ్మీర్ లో ఉగ్రవాదం, అవినీతి, నెపోటిజం అంతనికి బీజం పడిందన్నారు కేంద్ర హోంశాఖ మంత్రి అమిత్ షా. శాంతికి విఘాతం కలిగిచేందుకు ప్రయత్నించే వారిపై కఠినచర్యలు తీసుకుంటామని హెచ్చరించారు. అభివృద్ధికి ఆటంకం కలిగించే ఏ ఘటనను అంగీకరించబోమన్నారు. ఎన్నికలకు ముందే డీలిమిటేషన్ జరుగుతుందని, ఆ తర్వాత రాష్ట్ర హోదా కూడా వస్తుందని చెప్పారు అమిత్ షా. జమ్మూకశ్మీర్ అభివృద్ధిలో యువత కలిసి రావాలని పిలుపునిచ్చారు. కశ్మీర్ టూర్ లో ఉన్న ఆయన శ్రీనగర్ లో అధికారులతో సమావేశమయ్యారు. భద్రతపై చర్చించారు.
