హైదరాబాద్: ఉప్పల్పరిధిలోని ఉప్పల్ నల్ల చెరువులో గుర్తు తెలియని మృతదేహం లభ్యమైంది. గురువారం ( సెప్టెంబర్18) ఉదయం ఉప్పల్ నల్లచెరువులో గుర్తు తెలియని శవం ఉన్నట్లు గుర్తించిన ప్రయాణికులు పోలీసులకు సమాచారం అందించారు.
సంఘటనా స్థలానికి చేరుకున్న ఉప్పల్ పోలీసులు శవాన్ని బయటికి తీసి కేసు నమోదు చేసుకొని దర్యాప్తు చేస్తున్నారు. గత రాత్రి కురిసిన వర్షాలకు వరద నీటిలో కొట్టుకువచ్చిందా లేక ఆత్మహత్య లేక హత్యా అన్న కోణంలో పోలీసలు దర్యాప్తు చేస్తున్నారు.
గత రెండు రోజులుగా హైదరాబాద్ సిటీలో కురుస్తున్న వర్షాలకు నగరమంతా జలమయమయ్యింది.. రికార్డు స్థాయిలో వర్షపాతం నమోదు అయ్యింది.. బుధవారం రాత్రి కేవలం గంట వ్యవధిలో గరిష్టంగా 15 సెం.మీ. ల వర్షపాతం నమోదు అయ్యింది సిటీ వ్యాప్తంగా దంచికొట్టింది వాన. భారీ వర్షాలకు నాలాలు ఉప్పొంగి ప్రవహించాయి.
దీంతో ముషీరాబాద్ లో నాలాలో ఓ వ్యక్తి కొట్టుకుపోయాడు. బల్కంపేట్ రైల్వే అండర్ బ్రిడ్జి కింద వరద నీటి ప్రవాహంలో బైక్ తో సహా కొట్టుకుపోయాడు యువకుడు. తాజాగా ఉప్పల్ నల్లచెరువు లో లభ్యమైన మృతదేహం కూడా వరద ప్రవాహానికి కొట్టుకు వచ్చి ఉండొచ్చని పోలీసులు అనుమానిస్తున్నారు.
