వ్యాక్సిన్ అందుబాటులోకి వచ్చేసిందన్న ఆనందాన్ని ఆవిరి చేస్తూ మరో రకం కరోనా కలకలం సృష్టిస్తోంది. కొన్ని నెలల కిందట వరకు అమెరికా ప్రాణాంతక వైరస్ ప్రభావంతో విలవిల్లాడింది. ఇటీవలే అమెరికాలో బ్రిటన్ కరోనా స్ట్రెయిన్ కూడా ఎంటరైంది. అయితే, బ్రిటన్ రకం కరోనాకు తో పాటు మరో కొత్తరకం స్ట్రెయిన్ అమెరికాలో వ్యాపిస్తున్నట్టు తేలింది. కొత్త కేసులతో పాటు మరణాల సంఖ్య కూడా మళ్లీ పెరుగుతుండడంతో ఇది అమెరికా రకం కరోనా వైరస్ కారణంగానే అని గుర్తించారు.
దీనిపై వైట్ హౌస్ కరోనా టాస్క్ ఫోర్స్ రాష్ట్రాలకు హెచ్చరికలు చేసింది. అమెరికా రకం కరోనా స్ట్రెయిన్ తో 50 శాతం అధికంగా వ్యాప్తి ఉండొచ్చని తెలిపింది. మాస్కులు ధరించకపోయినా, భౌతికదూరం నిబంధనలు కచ్చితంగా పాటించకపోయినా దీని ప్రభావం అధికంగా ఉంటుందని తేల్చిచెప్పింది. కరోనా వ్యాక్సిన్లు ప్రజలకు అందుబాటులోకి వచ్చినా.. రూపాంతరం చెందిన కరోనా వైరస్ రకాలు ఆందోళన కలిగిస్తున్నాయి.
