ఫాదర్స్ డే సందర్భంగా ఐకాన్ స్టార్ అల్లు అర్జున్ చేసిన ఎమోషనల్ పోస్ట్ అభిమానులను ఆకట్టుకుంటోంది. తన తండ్రి, ప్రముఖ నిర్మాత అల్లు అరవింద్పై ఉన్న ప్రేమ, గౌరవం, అభిమానాన్ని హృదయానికి హత్తుకునేలా వ్యక్తం చేశారు. ‘నా తండ్రే నా దైవం. కంటికి కనిపించే, మాట్లాడే ఏకైక దేవుడు ఆయనే. నా జీవితంలో సర్వస్వం కూడా ఆయనే’ అంటూ బన్నీ ఎమోషనల్ పదాలు రాసుకోచ్చారు.
ఈ సందర్భంగా అల్లు అరవింద్తో కలిసి దిగిన ఓ ప్రత్యేక ఫొటోను షేర్ చేసిన అల్లు అర్జున్.. ప్రముఖ ప్రవచనకర్త చాగంటి కోటేశ్వరరావు స్వరంతో కూడిన వీడియోను కూడా పంచుకున్నారు. ప్రస్తుతం ఈ వీడియో సోషల్ మీడియాలో వైరల్గా మారి అభిమానులను ఆకట్టుకుంటోంది. అంతేకాకుండా, ఈ క్రమంలోనే ప్రపంచంలోని తండ్రులందరికీ ఫాదర్స్ డే శుభాకాంక్షలు తెలియజేస్తూ బన్నీ తన అభిమానాన్ని చాటుకున్నారు. ప్రస్తుతం అల్లు అర్జున్ చేసిన ఈ పోస్ట్ సోషల్ మీడియాలో వైరల్ గా మారింది.
అల్లు అర్జున్ చేసిన పోస్ట్లో ఆయనకు తండ్రి అల్లు అరవింద్పై ఉన్న అపారమైన ప్రేమ, గౌరవం స్పష్టంగా కనిపించాయి. సాధారణంగా సెలబ్రిటీలు శుభాకాంక్షలతో సరిపెట్టుకుంటారు. కానీ బన్నీ మాత్రం తన తండ్రిని ‘కంటికి కనిపించే దేవుడు’గా అభివర్ణించడం అభిమానులను భావోద్వేగానికి గురిచేసింది.
‘నా తండ్రే నా దైవం.. నా జీవితంలో సర్వస్వం ఆయనే’ అనే మాటలు తండ్రి-కొడుకుల మధ్య ఉన్న బలమైన అనుబంధాన్ని ప్రతిబింబిస్తున్నాయి. అల్లు అర్జున్ కెరీర్ ఎదుగుదలలో అల్లు అరవింద్ పాత్ర ఎంత కీలకమో ఈ పోస్ట్ ద్వారా మరోసారి అర్థమవుతోంది.
►ALSO READ | Samantha: ఒకవైపు ప్రెగ్నెన్సీ రూమర్స్.. మరోవైపు ‘మా ఇంటి బంగారం’ రికార్డ్ కలెక్షన్స్
అలాగే, చాగంటి కోటేశ్వరరావు స్వరంతో కూడిన వీడియోను షేర్ చేయడం ఈ పోస్ట్కు మరింత భావోద్వేగాన్ని జోడించింది. దీంతో బన్నీ చేసిన ఈ పోస్ట్ కేవలం ఫాదర్స్ డే విషెస్కే పరిమితం కాకుండా, కుటుంబ విలువలు, తల్లిదండ్రుల పట్ల గౌరవాన్ని గుర్తు చేసే సందేశంగా నిలిచింది. మొత్తంగా, అల్లు అర్జున్ చేసిన ఈ ఎమోషనల్ పోస్ట్ అభిమానులను ఆకట్టుకోవడమే కాకుండా, సోషల్ మీడియాలో వైరల్గా మారి ఫాదర్స్ డే సందర్భంగా ప్రత్యేక ఆకర్షణగా నిలిచింది.
రాకాతో బిజీ..
గతేడాది పుష్ప-2 మూవీతో సూపర్హిట్ను తన ఖాతాలో వేసుకున్నారు అల్లు అర్జున్. ఈ సినిమా బాక్సాఫీస్ వద్ద రూ.1750 కోట్లకు పైగా వసూళ్లు సాధించింది. ఏకంగా కేజీఎఫ్, బాహుబలి సినిమాల రికార్డ్లను దాటేసింది. ప్రస్తుతం అట్లీ సినిమాతో బిజీగా ఉన్నారు.
#RAAKA pic.twitter.com/BY1dzQFLY8
— Allu Arjun (@alluarjun) April 8, 2026
