మెయిల్, లెవన్త్ అవర్, కుడి ఎడమైతే వంటి వెబ్ సిరీస్ తో తెలుగు ప్రేక్షకులను అలరించిన ఆహా ఒరిజనల్స్ లో ఇప్పుడు మరో సిరీస్ రాబోతుంది. అదే "అన్యాస్ ట్యుటోరియల్". వైవిధ్యమైన కథతో ఆడియన్స్ ను ఆకట్టుకునేందుకు వస్తోన్న ఈ సిరీల్ లో రెజీనా కసాండ్ర, నివేదా సతీష్, అగస్త్య కీలక పాత్రల్లో నటిస్తున్నారు. పల్లవి గంగిరెడ్డి దర్శకురాలిగా పరిచయం కాబోతున్నారు. అయితే ఈ వెబ్ సిరీస్ ను పాన్ ఇండియా మూవీ బాహుబలి స్థాయిని పెంచిన సంస్థ ఆర్కా మీడియా బ్యానర్ లో శోభు యార్లగడ్డ, ప్రసాద్ దేవినేని నిర్మిస్తున్నారు. తాజాగా దీనికి సంబంధించిన టీజర్ ను డార్లింగ్ ప్రభాస్ విడుదల చేశారు. ఈ టీజర్ ఇంప్రెస్సింగ్ గా ఉందన్న ఆయన.. మూవీ టీంకి ఆల్ ది బెస్ట్ చెప్పారు. కాగా అన్యాస్ ట్యుటోరియల్ అనే వెబ్ సిరీస్ ఆహా ఒరిజనల్ లో జులై 1 నుంచి స్ట్రీమింగ్ కానుంది.
