ఐదేళ్లలో విడతల వారీగా మద్యపాన నిషేధాన్ని విధించే దిశగా ఏపీలోని జగన్ ప్రభుత్వం అడుగులు వేస్తోంది. తాజాగా.. మందుబాబులకు షాక్ ఇచ్చేందుకు రెడీ అయ్యింది. ప్రస్తుతం మద్యం అమ్మకాలు ఉదయం 10 గంటల నుంచి రాత్రి 10 గంటల వరకు కొనసాగుతున్నాయి. ఈ సమయాన్ని కుదించాలని ప్రభుత్వం నిర్ణయించింది. ఉదయం 10 గంటల నుంచి సాయంత్రం 6 గంటల వరకు మాత్రమే లిక్కర్ ను అమ్మాలని భావిస్తోంది. దీంతో 4 గంటలు మద్యం అమ్మకాలు తగ్గుతాయి. దీంతో, సాధారణ అమ్మకాలతో పోలిస్తే లిక్కర్ అమ్మకాలు భారీ స్థాయిలో తగ్గనున్నాయి.
వాస్తవానికి సాయంత్రం 6 గంటల తర్వాతే మద్యం అమ్మకాలు బాగా జరుగుతాయి. ఉద్యోగులు, రోజువారీ కూలీలు ఎవరైనా సరే… రాత్రి వేళల్లోనే ఎక్కువగా మద్యం తాగుతారు. 6 గంటలకే మద్యం షాపులను బంద్ చేస్తే… మద్యం అమ్మకాలు భారీగా తగ్గుతాయని ప్రభుత్వం యోచిస్తోంది. లిక్కర్ అమ్మకాలపై తీసుకున్న నిర్ణయం అక్టోబరు నుంచి అమల్లోకి రానుంది.
