హైదరాబాద్ సిటీ, వెలుగు: వివిధ రంగాల్లో విశేష ప్రతిభ కనబరిచిన చిన్నారులు, వ్యక్తులు బుక్ ఆఫ్ తెలుగు వరల్డ్ రికార్డ్స్లో పేర్లు నమోదు చేసుకునేందుకు దరఖాస్తులు ఆహ్వానిస్తున్నట్టు సంస్థ చైర్మన్ డాక్టర్ గణగళ్ల విజయ్ కుమార్ బుధవారం తెలిపారు. తెలుగు కళా వైభవం ఆధ్వర్యంలో విద్య, విధి నిర్వహణ, నృత్యం, సంగీతం, సాహిత్యం, చిత్రలేఖనం తదితర రంగాల్లో ప్రతిభావంతులను ప్రోత్సహించేందుకు ఈ కార్యక్రమం చేపట్టినట్టు పేర్కొన్నారు.
వచ్చేనెల 20న విజయవాడలో నిర్వహించే కార్యక్రమంలో జడ్జి దేవు నరసింహారావుతో పాటు సినీ, రాజకీయ, అధికార ప్రముఖులు పాల్గొని రికార్డులను అందజేస్తారని చెప్పారు. అర్హత, ఆసక్తి గల అభ్యర్థులు ఈ నెల 27వ తేదీలోగా తమ వివరాలను 9391379903 నంబరుకు పంపి నమోదు చేసుకోవాలని కోరారు.
