జపాన్లోని నిషిన్లో ఉన్న కోరోగీ స్పోర్ట్స్ పార్క్ (Korogi Sports Park) వేదికగా ఆసియా గేమ్స్ 2026 మహిళల క్రికెట్ పసిడి పతక సమరం ప్రారంభమైంది. శ్రీలంక మహిళల జట్టుతో జరుగుతున్న ఈ హై-వోల్టేజ్ ఫైనల్లో భారత కెప్టెన్ హర్మాన్ప్రీత్ కౌర్ (Harmanpreet Kaur) టాస్ గెలిచి ఆలోచించకుండా మొదట బ్యాటింగ్ తీసుకుంది. ఫైనల్ చేరే క్రమంలో ఆతిథ్య జపాన్ను, ఆ తర్వాత సెమీఫైనల్లో బంగ్లాదేశ్ను ఏకపక్ష విజయాలతో చిత్తు చేసిన టీమిండియా, మైండ్ బ్లాకింగ్ ఫామ్లో కనిపిస్తోంది.
బ్యాక్టుబ్యాక్ పసిడిపై కన్ను.. ఆసియా కప్ రిపీట్:
* రెండో గోల్డ్ మెడల్ లక్ష్యం: గత ఆసియా గేమ్స్లో స్వర్ణం గెలిచిన భారత జట్టు, ఈసారి కూడా టైటిల్ను నిలబెట్టుకుని వరుసగా రెండోసారి ఆసియా గేమ్స్ గోల్డ్ మెడల్ సాధించాలని పట్టుదలతో ఉంది.
* ఆసియా కప్ రీక్యాప్: కొన్ని వారాల క్రితమే ముగిసిన మహిళల ఆసియా కప్ 2026 ఫైనల్లోనూ భారత్ వర్సెస్ శ్రీలంక జట్లే పోటీపడగా.. లంకను భారత్ ఘోరంగా ఓడించి ట్రోఫీ గెలుచుకుంది. ఈరోజు మ్యాచ్ కూడా అదే సీన్ను పునరావృతం చేసేలా కనిపిస్తోంది.
ప్రతీకారం కోసం చమరి సేన వేట:
మరోవైపు శ్రీలంక కెప్టెన్ చమరి అతపత్తు (Chamari Athapaththu) నేతృత్వంలోని లంక జట్టు ఆసియా కప్ ఓటమికి ప్రతీకారం తీర్చుకోవాలని రగిలిపోతోంది. ఆసియా గేమ్స్ చరిత్రలోనే తమ దేశానికి తొలి క్రికెట్ గోల్డ్ మెడల్ అందించాలని లంక ప్లేయర్లు ఎంతో ఆశగా చూస్తున్నారు. కానీ, ఫైనల్ వంటి ప్రెజర్ మ్యాచ్లో ముందుగా బ్యాటింగ్ చేసి బోర్డుపై భారీ స్కోరు నిలబెడితే, ఛేజింగ్లో శ్రీలంకపై ఈజీగా ఒత్తిడి పెంచవచ్చని హర్మన్ప్రీత్ భావించింది. సుజుకి కప్, ఆసియా గేమ్స్ టోర్నీల్లో ఫామ్లో ఉన్న షెఫాలీ వర్మ, స్మృతి మంధానలు భారత్కు మరోసారి శుభారంభం ఇచ్చేందుకు క్రీజ్లోకి అడుగుపెట్టారు.
ఇరు జట్లు
శ్రీలంక మహిళల జట్టు: ఇమేషా దులానీ, చమరి అతపత్తు(కెప్టెన్), హాసిని పెరీరా, హర్షిత సమరవిక్రమ, కవిషా దిల్హరి, హన్సిమా కరుణరత్నే, కౌషని న్యూత్యాంగన(వికెట్ కీపర్), మిథాలీ అయోధ్య, కావ్య కావింది, చాముది ప్రబోద, సుగండిక కుమారి
భారత మహిళల జట్టు: స్మృతి మంధాన, షఫాలీ వర్మ, గుణాలన్ కమలిని, హర్మన్ప్రీత్ కౌర్(కెప్టెన్), రిచా ఘోష్(వికెట్ కీపర్), భారతీ ఫుల్మాలి, దీప్తి శర్మ, శ్రేయంక పాటిల్, శ్రీ చరణి, నందనీ శర్మ, క్రాంతి గౌడ్
