ఆసిఫాబాద్, వెలుగు: స్టూడెంట్స్ సైంటిస్టులుగా ఎదగాలని ఆసిఫాబాద్ కలెక్టర్ వెంకటేశ్ ధోత్రే సూచించారు. జిల్లా కేంద్రంలోని సెయింట్ మేరీ హైస్కూల్లో గురువారం జిల్లా స్థాయి ఇన్స్పైర్ మనాక్, 52వ బాల వైజ్ఞానిక ప్రదర్శన అట్టహాసంగా ప్రారంభమైంది. ఎమ్మెల్యే కోవ లక్ష్మి, డీఈవో యాదయ్యతో కలిసి కలెక్టర్ ప్రారంభించారు. ఆయన మాట్లాడుతూ.. సైన్స్, మ్యాథ్స్ను ఇష్టపడి చదవాలన్నారు.
సమస్యకు పరిష్కారం చూపడం, ఆలోచించి ఉత్తమ నిర్ణయాలు తీసుకునేందుకు సైన్స్, గణితం ఎంతగానో ఉపయోగపడతాయన్నారు. అనంతరం ఏర్పాటుచేసిన ప్రదర్శన శాలలను ప్రారంభించారు. ప్రాజెక్టులను పరిశీలించి వాటి గురించి విద్యార్థులు అడిగి తెలుసుకున్నారు. విద్యార్థులు నిర్వహించిన సాంస్కృతిక కార్యక్రమాలు అలరించాయి.
