నర్సింహులపేట, వెలుగు: మహబూబాబాద్ జిల్లా నర్సింహులపేటలో ఏర్పాటు చేసిన పీఏసీఎస్ కొనుగోలు కేంద్రంలో ఓ రైతు వడ్ల కుప్పకు నిప్పంటించేందు ప్రయత్నించాడు. మండల కేంద్రానికి చెందిన రైతు అంకం రామకృష్ణ వడ్లను ఏప్రిల్ 15న కొనుగోలు సెంటర్కు తీసుకొచ్చాడు.
వడ్లు పూర్తిగా ఎండబెట్టి, నిబంధనల మేరకు తేమ శాతం వచ్చినా వడ్లను కాంటా పెట్టకుండా, తరువాత వచ్చిన వడ్లను తూకం వేస్తున్నారని ఆరోపిస్తూ శుక్రవారం వడ్ల కుప్పపై పెట్రోల్ పోసి నిప్పంటించేందుకు యత్నించాడు. గమనించిన పక్క రైతులు ఆయనను అడ్డుకున్నారు. సెంటర్ సిబ్బంది డబ్బులు ఇచ్చిన రైతుల వడ్లు కాంటా వేస్తున్నారని పేర్కొన్నాడు. అధికారులు పట్టించుకోవడం లేదని వాపోయాడు.
