దుబాయ్: ఇరాన్ సుప్రీం లీడర్ అయతుల్లా అలీ ఖమేనీ మృతిపై ఆ దేశంలో కొంతమంది పౌరులు సంబరాలు చేసుకున్నారు. పలు నగరాల్లో ర్యాలీలు తీస్తూ హర్షం వ్యక్తం చేశారు. దక్షిణ ఇరాన్లోని గాల్లేహ్ దార్ పట్టణంలో ఒక స్మారకాన్ని కూల్చివేశారు. ‘‘ఇది కలా? నిజమా? ఖమేనీ చనిపోయాడా? అది నిజమైతే ఇరాన్లో కొత్త అధ్యాయం మొదలైనట్లే. కొత్త ప్రపంచానికి స్వాగతం పలుకుతున్నాం” అంటూ కొంతమంది పౌరులు వ్యాఖ్యలు చేశారు.
అలాగే కరాజ్, ఇజేహ్ నగరాల్లో స్థానికులు వీధుల్లోకి వచ్చి ఖమేనీ మృతిని సెలబ్రేట్ చేసుకున్నారు. డ్యాన్సులు చేసుకుంటూ ఒకరికొకరు శుభాకాంక్షలు చెప్పుకున్నారు. ఈ ఏడాది జనవరిలో జరిగిన ప్రభుత్వ వ్యతిరేక ప్రదర్శనల సందర్భంగా పోలీసులు వేలాది మందిని కాల్చి చంపారు.
మరణించిన వారిలో పోయా జఫారీ(15) కూడా ఒకరు.. ఈ క్రమంలోనే ఖమేనీ మరణించారనే వార్త తెలిసి జఫారీ ఇంటి ముందు జనం సంబరాలు జరుపుకున్నారు. 1979లో ఇస్లామిక్ రెవల్యూషన్ తర్వాత అంతటి హింసాత్మక పరిస్థితి నెలకొనడం అదే తొలిసారి.
