టాలీవుడ్ లో రీసెంట్ గా రిలీజై బ్లాక్ బస్టర్ సాధించిన మూవీ బేబీ(Baby). ఆనంద్ దేవరకొండ(Anand devarakonda), వైష్ణవి చైతన్య(Vaishnavi chaitanya), విరాజ్ అశ్విన్(Viraj ashwin) ప్రధాన పాత్రలో వచ్చిన ఈ సినిమా బాక్సాఫీస్ దగ్గర రికార్డ్ కలెక్షన్స్ రాబడుతోంది. విడుదలైన మొదటి షో నుండో సూపర్ హిట్ టాక్ ను సొంతం చేసుకున్న ఈ సినిమా.. కేవలం నాలుగు రోజుల్లోనే రూ.34 కోట్ల వసూళ్లు రాబట్టి ట్రేడ్ వర్గాలను ఆశ్చర్యపరుస్తోంది.
దర్శకుడు సాయి రాజేష్(Sai rajesh) తెరకెక్కించిన ఈ యూత్ఫుల్ లవ్ ఎంటర్టైనర్ కు ఆడియన్స్ ఫిదా అవుతున్నారు. ఇక సినిమాలో నడిచిన నటీనటులు కూడా విమర్శకుల ప్రశంసలు అందుకుంటున్నారు. మరీ ముఖ్యంగా ఈ సినిమాలో ఫీమేల్ లీడ్ లో కనిపించిన వైష్ణవి చైతన్యకు యూత్ లో నెక్స్ట్ లెవల్ క్రేజ్ వస్తోంది. సినిమా ఆమె నటన ఆడియన్స్ చేత కన్నీళ్లు పెట్టించింది అనడంలో ఎలాంటి సందేహం లేదు.
ఈ సినిమాలో వైష్ణవి నటనకు ఫిదా అయిపోయిన ప్రముఖ నిర్మాత అల్లు అరవింద్(Allu Aravind) ఆమెకు తన నెక్స్ట్ సినిమాలో ఆఫర్ ఇచ్చారు. ఈ మేరకు ప్రకటన కూడా చేశారు. రీసెంట్ గా జరిగిన బేబీ సక్సెస్ మీట్ లో అల్లు అరవింద్ వైష్ణవి కి తన సినిమాలో ఛాన్స్ ఇస్తున్నట్లు ప్రకటించారు. ఈ సినిమాకు సంబంధించిన పూర్తి వివరాలు త్వరలోనే రివీల్ చేయనున్నారు మేకర్స్. ఇక ఈ సినిమా కూడా హిట్ అయితే.. వైష్ణవి రేంజ్ మారిపోవడం ఖాయం అనే కామెంట్స్ వినిపిస్తున్నాయి.
