న్యూఢిల్లీ: మన దేశం నుంచి ఈ ఏడాది రూ. 15,757 కోట్ల (1.9 బిలియన్ డాలర్ల) విలువైన కాంపోనెంట్స్ను సేకరించాలని టెస్లా ప్లాన్ చేస్తున్నట్లు కామర్స్ మినిస్టర్ పీయూష్ గోయెల్ వెల్లడించారు. అంతకు ముందు ఏడాది ఈ కంపెనీ ఇండియా నుంచి రూ. 8,300 కోట్ల (బిలియన్ డాలర్ల) విలువైన కాంపోనెంట్స్ను సేకరించిందని పేర్కొన్నారు. రాబోయే కాలంలో ఎలక్ట్రిక్ వెహికల్స్ డిమాండ్ భారీగా పెరగనుందని, ఫలితంగా ఆ సెక్టర్లో ఎక్కువ గ్రోత్ సాధ్యమవుతుందని చెప్పారు.
ALSO READ: ఉస్మానియా ఆస్పత్రికి కొత్త భవనం నిర్మించాలి: తెలంగాణ వైద్యుల సంఘం
ఏసీఎంఏ యాన్యువల్ సెషన్లో పీయూష్ గోయెల్ మాట్లాడారు. టెస్లాకు మన దేశం నుంచి కాంపోనెంట్స్సప్లయ్ చేస్తున్న కంపెనీల జాబితా తమ వద్ద ఉందని మినిస్టర్ పేర్కొన్నారు. మన దేశం ఆకర్షణీయంగా ఉండటం వల్లే గ్లోబల్ కంపెనీలు ఇక్కడకు వస్తున్నాయని చెప్పారు. గ్లోబల్ కంపెనీల చైనా ప్లస్ వన్ స్ట్రేటజీ గురించి అడిగిన ప్రశ్నకు పై విధంగా ఆయన స్పందించారు.
చైనా ప్లస్ వన్ థీరీని తాను అంగీకరించనని, మన దేశాన్ని ఆ థియరీ నడిపించడం లేదని గోయెల్ స్పష్టం చేశారు. మన దేశం తన సొంత కాళ్లపై నిలబడుతోందని పేర్కొన్నారు. ఇన్వెస్ట్మెంట్, ట్రేడ్ అంశాలలో మన దేశం ప్రపంచ దేశాలకు తగిన అవకాశాలను కల్పిస్తోందని చెప్పారు. ఇండియాలో మంచి బిజినెస్ ఎన్విరాన్మెంట్, స్కిల్స్, మేనేజీరియల్ టాలెంట్, బిగ్ మార్కెట్తోపాటు, 140 కోట్ల మంది నుంచి వచ్చే డిమాండ్ ఉన్నాయని వివరించారు.
