బల్కంపేట ఎల్లమ్మ తల్లి కల్యాణోత్సవం మంగళవారం కనుల పండువగా జరిగింది. డప్పు చప్పుళ్లు, పోతరాజుల విన్యాసాల నడుమ మంత్రి తలసాని శ్రీనివాస్ యాదవ్ దంపతులు అమ్మవారికి పట్టుబట్టలు సమర్పించారు. సీఎస్ శాంతికుమారి, జీహెచ్ఎంసీ మేయర్ గద్వాల్ విజయలక్ష్మి, బీజేపీ లీడర్ మర్రి శశిధర్ రెడ్డి, కేంద్ర మంత్రి కిషన్ రెడ్డి భార్య కావ్యారెడ్డి సహా సిటీ నలుమూలల నుంచి వేలాది మంది భక్తులు తరలి వచ్చి కల్యాణంలో పాల్గొన్నారు.
వీఐపీ పాసులు ఎక్కువ ఇవ్వడంతో సాధారణ భక్తులు క్యూలైన్లలో తీవ్ర ఇబ్బందులు పడ్డారు. కల్యాణం సందర్భంగా వివిధ కాలనీ సంఘాలు, పొలిటికల్ పార్టీల ఆధ్వర్యంలో ఆలయ చుట్టుపక్కల ఉన్న అన్ని రోడ్లలో స్టాల్స్ఏర్పాటు చేసి అన్నదానం నిర్వహించారు. తాగునీరు, మజ్జిగ పంపిణీ చేశారు. బుధవారం జరిగే రథోత్సవంతో ఉత్సవాలు ముగుస్తాయి. – వెలుగు, సికింద్రాబాద్/ఖైరతాబాద్/పద్మారావునగర్
