హైదరాబాద్, వెలుగు : రాజ్యసభ అభ్యర్థిగా ఎంపికైన అనిల్ కుమార్యాదవ్కు ఎమ్మెల్సీ బల్మూరి వెంకట్ శుభాకాంక్షలు తెలియజేశారు. తనను రాజ్యసభకు నామినేట్చేసినందుకు సీఎం రేవంత్ రెడ్డికి కృతజ్ఞతలు చెప్పాలని అసెంబ్లీకి వచ్చిన అనిల్కు.. బల్మూరి వెంకట్ కనిపించారు. ఈ క్రమంలోనే ఇద్దరూ ఒకరికొకరు శుభాకాంక్షలు చెప్పుకున్నారు. బల్మూరి వెంకట్ మాట్లాడుతూ..తాను చేసిన ప్రతి ఉద్యమంలోనూ ఓ సోదరుడిగా అనిల్ అండగా ఉన్నారని చెప్పారు.
కాంగ్రెస్ అధికారంలోకి రావడంలో ఆయన పాత్ర కీలకమని తెలిపారు. ఎమ్మెల్యే టికెట్ ఇవ్వకపోయినా.. అనిల్ కష్టాన్ని గుర్తించి పార్టీ రాజ్యసభకు నామినేట్ చేయడం ఆనందంగా ఉందన్నారు. యావత్ ఎన్ఎస్యూఐ కూడా ఈ విషయంలో సంతోషం వ్యక్తం చేస్తున్నదన్నారు. కష్టపడిన వాళ్లకు అడగకున్నా పదవులు వస్తాయనేందుకు ఇదే నిదర్శనమని వెంకట్ తెలిపారు.
