భద్రాచలం,వెలుగు : దొంగ లిస్టులతో ఓటర్లను మభ్య పెట్టేందుకు బీఆర్ఎస్ లీడర్లు గ్రామాల్లోకి వస్తున్నారని, వారి మాటలను నమ్మవద్దంటూ పీసీసీ మెంబర్ బుడగం శ్రీనివాసరావు విజ్ఞప్తి చేశారు. భద్రాచలంలో శుక్రవారం ఆయన విలేకర్లతో మాట్లాడుతూ దళితబంధు, బీసీ బంధు తదితర స్కీంలను ఎన్నికల కోడ్ దృష్ట్యా నిలిపివేశారన్నారు.
కోడ్ వస్తుందని తెలిసి లిస్టులను తయారు చేసి వాటిపై లోకల్ బీఆర్ఎస్ లీడర్ల సంతకాలు పెట్టించి గ్రామాల్లో దళితులను, బీసీలను మోసం చేస్తున్నారని ధ్వజమెత్తారు. ఈ లిస్టులను ఎన్నికల సంఘానికి పంపి ఫిర్యాదు చేస్తామన్నారు. పొదెం వీరయ్య గెలుపును అడ్డుకోలేరన్నారు. కార్యక్రమంలో సరెళ్ల నరేశ్, బోగాల శ్రీనివాసరెడ్డి తదితరులు పాల్గొన్నారు.
