మంచు విష్ణు(Manchu Vishnu) చాలా గ్యాప్ తరువాత తన తరువాతి సినిమాను అనౌన్స్ చేశాడు. ఆయన ప్రధాన పాత్రలో వస్తున్న లేటెస్ట్ కన్నప్ప(Kannappa). భక్తిరస కథాంశంలో వస్తున్న ఈ సినిమాను ఆగస్టు 18న శ్రీ కాళహస్తిలో పూజా కార్యక్రమాలతో ప్రారంభించారు. ఈ కార్యక్రమానికి మంచు మోహన్ బాబు(Manchu Mohanbabu)తో పాటు చిత్ర యూనిట్ కూడా హాజరయ్యారు. భారీ బడ్జెట్ తో పాన్ ఇండియా లెవల్లో తెరకెక్కనున్న ఈ సినిమాను అవా ఎంటర్టైన్మెంట్, 24 ఫ్రేమ్స్ ఫ్యాక్టరీ పతాకంపై మోహన్ బాబు నిర్మిస్తున్నారు.
ప్రముఖ ఛానెల్లో ప్రసారమైన మహాభారత(Mahabharatha) సీరియల్ కు దర్శకత్వం వహించిన ముఖేష్ కుమార్ సింగ్(Mukhesh kumar singh) తెరకెక్కించనున్న ఈ సినిమాలో.. బాలీవుడ్ లేటెస్ట్ బ్యూటీ నుపుర్ సనన్ (Nupur Sanon) నటిస్తున్నారు. ప్రముఖ రచయితలు పరుచూరి గోపాల కృష్ణ, సాయిమాధవ్, తోట ప్రసాద్ కథను అందించారు. ఈ చిత్రానికి మణిశర్మ, స్టీఫెన్ దేవాసి సంగీతం అందించనున్నారు.
ఈ సంధర్బంగా మాట్లాడిన మంచు విష్ణు.. భక్త కన్నప్ప, అతని భక్తి గురించి ఈ తరం ప్రేక్షకులకు తెలియజేయాలనే ఉద్దేశంతో ఈ సినిమాను తెరకెక్కిస్తామని, రెగ్యులర్ షూటింగ్ మొదలైన సింగల్ షెడ్యూల్లో సినిమా మొత్తం పూర్తి చేసి అతి త్వరలో ప్రేక్షకుల ముందుకు తీసుకువస్తామని తెలిపారు విష్ణు మంచు.
