- కాంగ్రెస్ భువనగిరి అభ్యర్థి కుంభం అనిల్
యాదాద్రి, వెలుగు : కాంగ్రెస్ ప్రకటించిన ఆరు గ్యారంటీలతో పేదల జీవితాల్లో వెలుగులు నిండుతాయని ఆ పార్టీ భువనగిరి అభ్యర్థి కుంభం అనిల్కుమార్రెడ్డి అన్నారు. బుధవారం భువనగిరి మండలంలో ప్రచారం నిర్వహించారు. ఈ సందర్భంగా ఓటర్లను కలిసి ఆరు గ్యారంటీలతో కలిగే ప్రయోజనాలను వివరించారు. అనంతరం ఆయన మాట్లాడుతూ.. గత ఎన్నికల్లో ఓటమి పాలైనా నియోజకవర్గంలోనే ఉండి ప్రజా సమస్యల పరిష్కరానికి పోరాటం గుర్తు చేశారు. తాను గెలిచిన వెంటనే బైపాస్రోడ్డుపై రామకృష్ణాపురం వెళ్లడానికి అండర్ పాస్ నిర్మాణం చేయిస్తానని ప్రకటించారు.
కాంగ్రెస్ హయాంలో చేపట్టిన పనులను తామే చేపట్టినట్టుగా బీఆర్ఎస్ ప్రభుత్వం ప్రచారం చేసుకుంటోందని విమర్శించారు. బీఆర్ఎస్ మోసపూరిత హామీలు నమ్మి బతుకులు ఆగం చేసుకోవద్దని, పేదలకు అండగా ఉండే కాంగ్రెస్ను గెలిపించాలని కోరారు. భువనగిరి మండలంలోని రెడ్యానాయక్ తండా, పీబీ తండా, ఆకుతోటబావి తండా, సూరేపల్లి లో కుంభం కిరణ్ జ్యోతి, మున్సిపాలిటీలో కుంభం కీర్తి ప్రచారం నిర్వహించారు.
