నల్గొండ, వెలుగు: నల్గొండ, రంగారెడ్డి పాల ఉత్పత్తిదారుల పరస్పర సహాయ సహకార సంఘం ఎన్నికలు రసకందాయంలో పడ్డాయి. డెయిరీపై ‘గుత్తా’ధిపత్యానికి చెక్ పెట్టి తొలిసారి చైర్మన్గా ఎన్నికైన గంగుల కృష్ణారెడ్డి పదవికి ఎసరు పెట్టే ప్రయత్నాలు ముమ్మరంగా జరుగుతున్నాయి. జిల్లా మంత్రి జగదీశ్రెడ్డి సపోర్ట్తో గతేడాది సెప్టెంబర్లో ఎన్నికైన కృష్ణారెడ్డి పదవీ కాలం ఈ నెలాఖరుతో ముగియనుంది. ఈ నేపథ్యంలో మరోసారి ఆయన్నే చైర్మన్గా కొనసాగిస్తారనే నమ్మకంతో డైరెక్టర్ స్థానానికి నామినేషన్ కూడా వేశారు. కానీ తాజాగా జరుగుతున్న పరిణామాలను గమనిస్తే కృష్ణారెడ్డిని పక్కన పెట్టే అవకాశం కనిపిస్తోం ది. కృష్ణారెడ్డికి గత ఎన్నికల్లో సపోర్ట్ చేసిన నకిరేకల్ ఎమ్మెల్యే చిరుమర్తి లింగయ్య ఈ దఫా మనసు మార్చుకున్నట్లు తెలిసింది. ప్రస్తుతం ఎన్నిక లు జరుగుతున్న మూడు డైరెక్టర్స్థానాలు నకిరేకల్, భువనగిరి, ఆలేరు నియోజకవర్గాల్లో ఉన్నాయి. ఎమ్మెల్యేల అభిప్రాయం మేరకే డైరెక్టర్ల ఎన్నిక జరుగుతుంది. దీంతో నకిరేకల్నుంచి కృష్ణారెడ్డి బదులుగా గుత్తా జితేందర్రెడ్డి, మందడి ప్రభాకర్రెడ్డి పేర్లను ప్రతిపాదించినట్లు సమాచారం.
వ చ్చే అసెంబ్లీ ఎలక్షన్లో చిట్యాల మండలంలో గుత్తా బ్రదర్స్అవసరాన్ని దృష్టిలో పెట్టుకునే జితేందర్ రెడ్డి పేరును ఎమ్మెల్యే ప్రతిపాదించినట్లు తెలిసిం ది. కానీ జితేందర్రెడ్డి అభ్యర్థిత్వం పట్ల మంత్రి జగదీశ్రెడ్డి సానుకూలంగా లేకపోవడంతో రెండో క్యాండేట్ ప్రభాకర్రెడ్డికి చాన్స్ ఇవ్వాలని సూచించినట్లు డెయిరీ వర్గాలు తెలిపాయి. సుమారు 13 ఏళ్ల పాటు డెయిరీ చైర్మ న్గా పనిచేసిన జితేందర్ రెడ్డి రాష్ట్ర డెయిరీ డెవలప్మెంట్కార్పొరేషన్ పదవి ఆశిస్తున్నారు. కార్పొరేషన్చైర్మన్పదవి ఇస్తామని మంత్రి నుంచి హామీ లభించడంతోనే జితేందర్రెడ్డి పోటీ నుంచి తప్పుకున్నట్లు విశ్వనీయ వర్గాల ద్వారా తెలిసింది.
డెయిరీపై పట్టకు ‘గొంగడి’ యత్నం
మదర్డెయిరీపై పట్టు సాధించేందుకు ఆలేరు ఎమ్మెల్యే సునీత భర్త, డీసీసీబీ చైర్మన్ గొంగడి మహేందర్రెడ్డి ఎప్పటి నుంచో ప్రయత్నిస్తున్నా రు. ఆ నియోజకవర్గం నుంచి బొందుగుల నర్సింహారెడ్డి తర్వాత మళ్లీ చైర్మన్ అయ్యే చాన్స్ ఎవరికీ రాలేదు. డెయిరీలో ఓటు హక్కు కలిగిన సంఘాలు 278 ఉంటే దాంట్లో 150 పైగా సంఘాలు ఆలేరు నియోజకవర్గంలోనే ఉన్నాయి. దీంతో చైర్మన్ పదవి తమకే ఇవ్వాలని మహేందర్ రెడ్డి గత ఎన్నికల్లోనే పట్టుబట్టారు. ఈ మేరకు ఆయనే గత ఎన్నికల ఇన్చా ర్జిగా వ్యవహరించారు. కానీ చివరి నిమిషంలో కృష్ణారెడ్డి పేరు తెరపైకి రావడంతో సైలెంట్ అయ్యారు. అయితే ఇప్పుడు కృష్ణారెడ్డిని తప్పించాల్సిన ప రిస్థితి రావడంతో డెయిరీ చైర్మన్ పదవి ఆలేరుకే ఇవ్వాలని పార్టీ పెద్దలు ఒక అభిప్రాయానికి వచ్చినట్లు తెలిసింది. దీంతో ఈ ఎన్నికల ఇన్చార్జి బాధ్యతలు కూడా మహేందర్రెడ్డికే మంత్రి జగదీశ్రెడ్డి అప్పగించారు. మూడు డైరెక్టర్ స్థానాలకు 14 మంది నామినేషన్లు వేశారు. ఆశావహులను పోటీ నుంచి తప్పించి డైరెక్టర్ల ఎన్నిక ఏకగ్రీవం చేసేందుకు ఎమ్మెల్యేలతో సంప్రదింపులు జరుపుతున్నారు. శుక్రవారం నామినేషన్ల ఉప సంహరణ గడువు ఉండటంతో ఆశావహులను బుజ్జగించే ప్రయత్నాలు గురువారం నుంచే షురూ చేశారు.
చైర్మన్ పీఠం ఎవరికి?
ఆలేరు నియోజకవర్గానికే చైర్మన్ పదవి ఇవ్వాల్సి వస్తే క్యాండిడేట్ఎవరనే ది మాత్రం ఇప్పటికైతే సస్పెన్సే. మూడు డైరెక్టర్పోస్టుల్లో నకిరేకల్, ఆలేరులో ఓసీలకు, భువనగిరి స్థానం బీసీలకు ఇవ్వాలనే ఆలోచనలో ఉన్నా రు. ఇక్కడ నుంచి దాఖలైన రెండు నామినేషన్లు బీసీ వర్గానికి చెందినవే. చైర్మన్పదవి విషయానికొస్తే మాత్రం ఆలేరు నియోజకవర్గం నుంచే ఐదుగురు డైరెక్టర్లు డెయిరీలో ప్రాతినిధ్యం వహిస్తున్నారు. వీళ్లలో సీనియర్లు లింగాల శ్రీకర్రెడ్డి, దొంతిరి సోమిరెడ్డి, అరక్కాల గాలిరెడ్డి పేర్లు ప్రచారంలో ఉన్నాయి. గత మూడు టర్మ్ల నుంచి మాత్రం గాలిరెడ్డి సీనియర్ డైరెక్టర్గా కొనసాగుతున్నారు. శుక్రవారం నామినేషన్ల ఉపసంహరణ తర్వాత చైర్మన్ అభ్యర్థి ఎవరనేది కొలిక్కి రానుంది.
