- ఐటీ హబ్తో జిల్లాకు ప్రయోజనం
నిజామాబాద్, వెలుగు: సాఫ్ట్వేర్ కొలువుల కోసం యువత వేరే ప్రాంతాలకు వలస వెళ్లాల్సిన అవసరం లేకుండా నిజామాబాద్ గడ్డపై ఐటీ హబ్ఏర్పాటు చేయించినట్లు అర్బన్ బీఆర్ఎస్ అభ్యర్థి బిగాల గణేశ్గుప్తా తెలిపారు. మంగళవారం ఆయన నగరంలోని 19, 20 డివిజన్లలో ఎన్నికల ప్రచారం నిర్వహించారు. లా అండ్ఆర్డర్సరిగా ఉంటే పెట్టుబడులు పెట్టడానికి అంతర్జాతీయ కంపెనీలు వస్తాయన్నారు. అర్బన్లో ప్రశాంత వాతావరణాన్ని నెలకొల్పడం వల్లే ఇక్కడి ఐటీ హబ్విదేశీ కంపెనీలను ఆకర్షిస్తోందన్నారు.
నిరంతంర జాబ్మేళాలు నిర్వహించి యూత్కు ఉద్యోగ అవకాశాలు కల్పిస్తామన్నారు. రఘునాథ చెరువును మినీ ట్యాంక్బండ్ చేశానన్నారు. ఎల్లమ్మగుట్ట రైల్వే కమాన్ వద్ద ఆర్యూబీ నిర్మాణం చేయించి ప్రజల ట్రాఫిక్ కష్టాలు తీర్చానన్నారు. శ్మశానవాటికల్లో ఆధునిక సౌలత్లు కల్పించినట్లు చెప్పారు. మరోసారి గెలిపిస్తే 24 గంటల మంచినీరు అందిస్తానని, ప్రతి ఇంటికీ అండర్ గ్రౌండ్ డ్రైనేజీ నిర్మిస్తానన్నారు. అభివృద్ధి, సంక్షేమ పాలన కోసం బీఆర్ఎస్ను ఆశీర్వదించాలన్నారు. కార్యకర్తల ర్యాలీ మధ్య గణేశ్ గుప్తా ప్రచారం కొనసాగింది. మేయర్ దండు నీతూకిరణ్, జగత్రెడ్డి, రాజేందర్, సుగుణ లక్ష్మణ్, సుజన్, యెండల ప్రసాద్, వేముల భూమేశ్పాల్గొన్నారు.
సీఎం సభ ఏర్పాట్ల పరిశీలనప్రజా ఆశీర్వాద సభలో ప్రసంగించడానికి సీఎం కేసీఆర్ బుధవారం నగరానికి వస్తున్న నేపథ్యంలో గణేశ్ గుప్తా ఏర్పాట్లను పరిశీలించారు. జీజీ కాలేజీ మైదానంలో సభ జరగనుంది. మధ్యాహ్నం 12 గంటలకు కేసీఆర్ రానున్నారు.
