బెంగుళూర్: కన్నడ బిగ్ బాస్ ఫేమ్, నటి దివ్య సురేష్ వివాదంలో చిక్కుకుంది. బెంగుళూర్లో బైక్ను ఢీకొట్టి ఆపకుండా అలానే వెళ్లిపోయిందన్న ఆరోపణల మేరకు ఆమెపై కేసు నమోదు చేశారు పోలీసులు.
పోలీసుల వివరాల ప్రకారం.. 2025, అక్టోబర్ 4 తెల్లవారుజామున 1.30 గంటల ప్రాంతంలో బైతరాయణపురలోని ఎంఎం రోడ్డులో రోడ్డు ప్రమాదం జరిగింది. ఓ బైక్ను కారు ఢీకొట్టి ఆపకుండా వెళ్లిపోయింది. ఈ ఘటనలో బైక్పై వెళ్తున్న మహిళ తీవ్రంగా గాయపడ్డారు. గాయపడిన మహిళ బంధువు కిరణ్ పోలీసులకు ఫిర్యాదు చేశాడు.
కిరణ్ ఫిర్యాదు మేరకు కేసు నమోదు చేసుకున్న పోలీసులు సీసీ ఫుటేజీ ఆధారంగా దర్యాప్తు చేపట్టారు. సీసీటీవీ ఫుటేజ్ ద్వారా కారు నంబర్‌ను కనుగొని ఆ కారు నటి దివ్య సురేష్దిగా గుర్తించారు పోలీసులు. ఈ మేరకు దివ్య సురేష్ పై కేసు నమోదు చేసి ఆమె కారును స్వాధీనం చేసుకున్నట్లు పోలీసులు తెలిపారు.
అయితే, పోలీసులు కారు సీజ్ చేసిన రాత్రే దివ్య సురేష్ తన కారును విడిపించుకున్నారని సమాచారం. ఈ ఘటన సోషల్ మీడియాలో వైరల్గా మారడంతో నటి దివ్యపై విమర్శలు వెల్లువెత్తుతున్నాయి. బైక్ను ఢీకొట్టి ఒక మహిళ తీవ్రంగా గాయపడ్డ కనీస మానవత్వం లేకుండా అలానే వెళ్లిపోవడం ఏంటని దివ్యపై దుమ్మెత్తిపోస్తున్నారు నెటిజన్లు.
