కూకట్పల్లిలో కిక్ కొడుతుండగా బైక్ నుంచి మంటలు

కూకట్పల్లిలో కిక్ కొడుతుండగా బైక్ నుంచి మంటలు

కూకట్​పల్లి, వెలుగు: కూకట్​పల్లిలో ఒక బైక్​ నుంచి అకస్మాత్తుగా మంటలు చెలరేగి ఒకరు గాయపడ్డారు. మూసాపేటలో ఉంటూ ఉద్యోగ ప్రయత్నం చేస్తున్న విశ్లావత్ ​సాయికుమార్​(31) మంగళవారం మధ్యాహ్నం కూకట్​పల్లి నుంచి మూసాపేట వైపు బైక్​పై వెళ్తున్నాడు. హెచ్​పీ పెట్రోల్​బంక్​సమీపంలో బైక్​ఆగిపోగా, కిందకు దిగి కిక్​ కొడుతున్నాడు.

అకస్మాత్తుగా బైక్​ఇంజిన్​లో నుంచి మంటలు చెలరేగి వ్యాపించాయి. దీంతో సాయికుమార్​కు మంటలంటుకుని గాయపడ్డాడు. దీంతో అతడిని సమీపంలోని ప్రైవేట్​దవాఖానకు తరలించారు. ఈ ఘటనలో బైక్​పూర్తిగా కాలిపోయింది. పెట్రోల్​లీక్​కావడం, ఎలక్ట్రికల్ స్పార్క్ వల్ల మంటలు అంటుకుని ఉంటాయని అంచనా వేస్తున్నారు. కేసు నమోదు చేసుకుని దర్యాప్తు చేస్తున్నామని కూకట్​పల్లి పోలీసులు తెలిపారు.