చిన్నారి ప్రాణాలు తీసిన హైటెన్షన్ వైరు.. మాప్ స్టిక్తో ఆడుకుంటుండగా తగిలి కరెంట్ షాక్

చిన్నారి ప్రాణాలు తీసిన హైటెన్షన్ వైరు.. మాప్ స్టిక్తో ఆడుకుంటుండగా తగిలి కరెంట్ షాక్
  • ముషీరాబాద్‌ హోమ్‌లో 3వ తరగతి విద్యార్థిని మృతి
  • మరో స్టూడెంట్కు తీవ్ర గాయాలు

ముషీరాబాద్, వెలుగు: తోటి విద్యార్థులతో కలిసి సరదాగా ఆడుకుంటున్న ఓ విద్యార్థి కరెంటు షాక్ తో కన్ను మూసింది. ఈ ఘటనలో మరో విద్యార్థి తీవ్రంగా గాయపడింది. ముషీరాబాద్‌ ప్రభుత్వ పాఠశాలలో మూడో తరగతి చదువుతున్న సంగం రెబెక్కా(11) స్కూల్​ ప్రాంగణంలో ఉన్న నైటింగేల్​హోమ్ ​ఫర్ ​గర్ల్స్​ హాస్టల్​లో ఉంటోంది. మొదటి అంతస్తులో ఉంటున్న రెబెక్కా సోమవారం సాయంత్రం నందిని (14), జయశ్రీ (9) అనే మరో ఇద్దరు విద్యార్థినులతో కలిసి టెర్రస్‌పైకి వెళ్లింది.

అక్కడున్న ఇనుప రాడ్ (స్టీల్ హ్యాండిల్) కలిగిన మాప్ కర్రతో ఆడుకుంటుండగా ప్రమాదవశాత్తూ బిల్డింగ్​ మీదుగా వెళ్తున్న 11 కేవీ హైటెన్షన్ కరెంట్​ వైరుకు మాప్​ తాకింది. దీంతో షాక్ ​కొట్టడంతో రెబెక్కా అక్కడికక్కడే కుప్పకూలి మరణించింది. ఇది చూసి ఆమెను కాపాడేందుకు ప్రయత్నించిన నందిని చేతులకు గాయాలయ్యాయి. జయశ్రీ వెంటనే కిందికి పరిగెత్తి వసతి గృహ సిబ్బందికి చెప్పగా, వారు పోలీసులకు సమాచారం ఇచ్చారు.