ఉద్యమకారుడైన తనకు బీఆర్ఎస్ నుంచి ఎమ్మెల్యే టికెట్టు ఇవ్వకుండా సీఎం కేసీఆర్ మోసం చేశారని ఆ పార్టీ సీనియర్ నేత బొమ్మెర రామ్మూర్తి ఆరోపించారు. ఖమ్మం జిల్లా మధిర నియోజకవర్గ బీఆర్ఎస్పార్టీ మాజీ ఇంఛార్జీగా ఉన్న ఆయన టికెట్టు దక్కకపోవడంపై అసంతృప్తి వ్యక్తం చేస్తూ సెల్ఫీ వీడియో రిలీజ్ చేశారు. ఆయన మాట్లాడుతూ.. సీఎం కేసీఆర్, మంత్రులు కేటీఆర్, హరీశ్రావులు మాదిగలకు అన్యాయం చేశారని ఆరోపించారు.
ఉరి వేసే ముందైన చివరి కోరిక ఏంటని అడుగుతారు కానీ కేసీఆర్తనను టికెట్టు విషయంలో కనీసం చర్చించలేదని ఆవేదన వ్యక్తం చేశారు. పార్టీ పెద్దలకు మనసు లేదని తీవ్ర వ్యాఖ్యలు చేశారు. ఉద్యమం నుంచి కేసీఆర్ వెన్నంటే ఉన్న తనకు న్యాయం జరగలేదని ఆవేదన వ్యక్తం చేశారు. మధిర నియోజకవర్గ టిక్కెట్టు ఇవ్వాలని డిమాండ్ చేశారు. లేదంటే పార్టీకి వ్యతిరేకంగా ప్రచారం నిర్వహిస్తానని హెచ్చరించారు.
