- భద్రాద్రికొత్తగూడెం జిల్లాలో జోరుగా దళారుల దందా
- పాల్వంచలో ప్రొహిబిటెడ్ల్యాండ్లోనూ రిజిస్ట్రేషన్లు
- లాంగ్లీవ్ లో కొత్తగూడెం సబ్ రిజిస్ట్రార్?
భద్రాద్రికొత్తగూడెం, వెలుగు : భద్రాద్రికొత్తగూడెం జిల్లాలో తప్పుడు డాక్యుమెంట్లతో రిజిస్ట్రేషన్లు చేయిస్తూ దళారులు దందా కొనసాగిస్తున్నారు. కొత్తగూడెంలో ప్లాట్లు, పారిశ్రామిక ప్రాంతమైన పాల్వంచలోని 817, 444, 999, 729, 410 సర్వే నంబర్లలోని నిషేధిత భూములను దళారులు తప్పుడు డాక్యుమెంట్లతో రిజిస్ట్రేషన్ చేయిస్తున్నారు. ల్యాండ్ ఒక చోట, సర్వే నంబర్ మరో చోట ఉన్నప్పటికీ రిజిస్ట్రేషన్ చేయడం గమనార్హం.
ఎవరైనా రిజిస్ట్రేషన్ కోసం కొత్తగూడెంలోని సబ్ రిజిస్ట్రార్ ఆఫీస్కు వెళ్తే ప్రొహిబిటెడ్ ల్యాండ్ అని తెలుసుకొని దళారులు ఎంటర్ అవుతున్నారు. ఆఫీసర్లు, సిబ్బందితో రూ.లక్షల్లో సెటిల్మెంట్ చేసుకుంటూ అందినకాడికి వసూలు చేస్తున్నారు. ప్రొహిబిటెడ్ ల్యాండ్ను కూడా రిజిస్ట్రేషన్ చేయిస్తుండడం ఇక్కడ కామన్గా మారింది.
ఇదీ.. పరిస్థితి..
కొత్తగూడెం పట్టణం హనుమాన్ బస్తీకి చెందిన వాసాల పోశమ్మ 60 గజాల ల్యాండ్ను రిటైర్డ్హెడ్ కానిస్టేబుల్కు పదేండ్ల కింద అమ్మారు. అతడు పోశమ్మకు తెలియకుండా ఆమెకు చెందిన మరి కొంత స్థలాన్ని ఆక్రమించుకున్నాడు. ఆ తర్వాత తప్పుడు డాక్యుమెంట్లు సృష్టించి దాదాపు 120 గజాల ల్యాండ్ను రిజిస్ట్రేషన్ ఆఫీస్ సిబ్బందితో కుమ్మక్కై తన కుటుంబ సభ్యుల పేర రిజిస్ట్రేషన్ చేయించుకున్నాడు. 2018లో తప్పుడు డాక్యుమెంట్లతో తన భార్య పేరుతో ఉన్న ఆ ల్యాండ్ను కొడుకు పేరుపై నిబంధనలకు విరుద్ధంగా గిఫ్ట్ డీడ్ చేయించాడు. 143సర్వే నంబర్లో ఉన్న ఆ ల్యాండ్ను డబ్బులు తీసుకున్న రిజిస్ట్రేషన్ ఆఫీసర్, కొందరు సిబ్బంది 181 సర్వే నంబర్ పేర రిజిస్ట్రేషన్ చేయించుకున్న దాఖలాలున్నాయి. జీఓ 76 ద్వారా 118 గజాలను అతడి భార్య పేర రిజిస్ట్రేషన్చేయించుకున్నాడు.
- పట్టణంలోని గాజుల రాజం బస్తీ, విశ్వనాథ్నగర్ ప్రాంతాల్లో వేరే సర్వే నంబర్లో ఉన్న దాదాపు రూ.కోటి నుంచి రూ. 1.50కోట్ల విలువైన 25 నుంచి రూ. 30 కుంటల ల్యాండ్ను కొందరు రియల్ ఎస్టేట్ వ్యాపారులు రెవెన్యూ, రిజిస్ట్రేషన్ ఆఫీసర్లతో కుమ్ముక్కై తమ పేర రిజిస్ట్రేషన్ చేయించుకున్నారు. ఇందులో సగం మేర గవర్నమెంట్ ల్యాండ్ ఉండడం గమనార్హం.
లాంగ్ లీవ్లో ఆఫీసర్...
తప్పుడు డాక్యుమెంట్లు, నిబంధనలకు విరుద్ధంగా గవర్నమెంట్ల్యాండ్స్, ప్రొహిబిటెడ్ల్యాండ్స్ఇష్టారాజ్యంగా రిజిస్ట్రేషన్ చేసిండనే ఆరోపణలు ఎదుర్కొంటున్న కొత్తగూడెం సబ్ రిజిస్ట్రార్ లాంగ్ లీవ్లో వెళ్లినట్లు తెలుస్తోంది. ఆ సబ్ రిజిస్ట్రార్ అక్రమాలపై కొందరు ఉన్నతాధికారుల దృష్టికి తీసుకెళ్లడంతో ఉన్నతాధికారుల సూచనతో ఆ అధికారి లాంగ్ లీవ్లో వెళ్లాడని పలువురు చర్చించుకుంటున్నారు.
గతంలో జరిగినవి నాకు తెలియదు
గతంలో తప్పుడు డాక్యుమెంట్లతో, గవర్నమెంట్ ల్యాండ్తో పాటు ప్రొహిబిటెడ్ల్యాండ్స్ను రిజిస్ట్రేషన్ చేసిన విషయం నాకు తెలియదు. నేను ఇన్చార్జ్గా వచ్చాను. కొత్తగూడెం పట్టణంలోని వాసాల పోశమ్మకు సంబంధించి ల్యాండ్ రిజిస్ట్రేషన్ మొదట 181 సర్వే నంబర్.. తర్వాత అదే భూమిని 143 సర్వే నంబర్పై రిజిస్ట్రేషన్ చేయడం తప్పే. డాక్యుమెంట్ల ప్రకారం మేము రిజిస్ట్రేషన్ చేస్తాం.
- రాంకుమార్, ఇన్చార్జ్ సబ్ రిజిస్ట్రార్, కొత్తగూడెం
